Lokal
Táktika di “opgestaan, plaats vergaan” di gobiernu a faya
WILLEMSTAD. Resientemente un amtenar ku a mira kon un promoshon di skal 8 pa skal 11 a pasé na kaminda siendo ku na su debido tempu ela solisitá korektamente pa e promoshon na Sociale Zaken.
For di 2017 e amtenar ta enkargá ku okupashon di konsultor den skal 11 ne ministerio en kuestion.
Pa esaki for di september 2014 e tabata risibi un kompensashon di 798 florin pa luna ku na yanuari 2015 a bira 951 pa luna.
Dia 26 di september gobiernu a para e kompensashon di 951 florin pa luna.
E amtenar na aprel 2018 a pidi gobiernu pa nombré den e funshon interino ku e tabata okupá solamente pa bin tende via dje sirkuito di redu den gobiernu ku minister a nombra otro hende kaba.
De paso sea dicho na oktober di 2018 gobiernu a rechasá petishon dje amtenar pero Korte a deklará e apelashon valido i legal.
Korte den apelashon a anulá e dekreto kaminda a ninga di nombra e amtenar pasobra gobiernu no por a proba ku e señora no ta kumpli ne kondishon ku e mester a okupá e puesto interinamente 3 aña promé ku e por reklamá derecho riba e funshon.
E señora a gana e kaso pasobra wes a haña ku gobiernu no a splika kiko tabata tarea dje funshonario interino i ki dia e periodo interino ta kaba.
E siguiente paso táktiko di gobiernu tabata pa retirá nan apelashon kontra e desishon i a bin ku un argumento bieu den un bachi nobo ku e señora no a fungi efektivamente 3 aña komo interino durante 3 aña seguido i esei lei ta bisa.
Pero e cherry riba e bolo chimbo ku gobiernu a traha tabata ku mientras tantu ya nan a nombra otro hende den e funshon ku tabata habrí.
APELASHON INKOMPLETO
Naturalmente e señora a protesta kontra e nombramentu permanente di otro hende serka wes pero korte a kalifika i rechasa e protesta komo inadekuado.
Hecho ta ku ela okupá e puesto interinamente en todo kaso te 1 mei 2017 pero gobiernu no a finalisá e fecha interino.
Ku gobiernu a stop di paga e kompensashon no ta nifika ku gobiernu a finalisa e kondishon di interino per 1 mei 2017.
Loke ta esensial ta ku e señora no por haña e funshon ku ela okupá interinamente pasobra gobiernu a nombra otro kolega den e funshon.
Un eror e señora a kometé i esei ta ku eno a protesta kontra nombramentu di su kolega loke e tabatin derecho di hasi.
Sin su oposishon e nombramentu dje kolega a bira irevokabel.
Summa summarum korte a yega ne konklushon ku te ainda su apelashon ta valido i a anulá e desishon di un terser persona den e funshon.
Nunka gobiernu a bisé tamoko ku e no ta den funshon di inerino tampoko i p’esei a pone ku Korte di Hustisia a rechasa e argumentonan di gobiernu.
I hasiendo loke e wes den promé instansia a faya di hasi, a duna e señora rason den Hoger Beroep. Ademas Korte di Husisia a ordená gobiernu pa tuma un desishon nobo riba petishon di 11 aprel 2018 i pa tuma nan desishon na serio.
Finalmente wes a ordená gobiernu pa paga e señora 2800 florin na gastunan di abogado.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
