Deporte
Ta p’esei: “Mener di Sta. Martha” a sigurá ku Undeba no ta Degradá…
Sr. Rignaal, “Jean” Francisca, eks presidente di FFK i awor presidente di Union Deportivo Bándabou ta sigur ku su tim Undeba lo no degradá.
Ounke nan ta bisa ku Undeba ta den kuido intensivo i na mashin, Sr. Jean Francisca ta sigur ku nan lo Sali dje situashon i lo ta bek den kaya.
Undeba di Sr. Jean Francisca a protesta e wega vs Victory Boys, i ganando e protesta kos ta kambia un poko.
5 Star a komprondé ku tin sigur un tim mas ku lo tin nan karta prepará pa si eventualmente vs Victory Boys nan tin mester di punto pa tene kabes riba awa.
Esei ta e situashon, paso niun tim no ke degradá si tin chèns di skapa degradashon mediante protesta, nan lo hasiele.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
