Lokal
TA NÒRMAL KU AWOKI AINDA NOS TA SKLAMA PA IGUALDAT DEN REINO?
WILLEMSTAD – Sekretario di TPK Sr. Jonathan Symor ta señalá riba un tópiko ku algun siman pasá tabata den prensa i media sosial. E ta bisa: “Nederland gaat op slot”.
E tópiko ku algun siman atras a lanta basta stòf ta enserá ku 2e Kamer ke pasa ún lei ku, suidadanonan di Aruba, Kòrsou y St. Maarten lo no por emigrá pa Hulanda mas, vooral e hoben nan. Hulanda lo bini ku reglanan basá riba nivel di estudio y òf situashon ekonómiko pa bo por establesé bo mes na Hulanda.
Trabou pa Kòrsou TPK a realisa un investigashon i por splika komunidat ku esaki tabata ún (wetvoorstel) proposishon di lei, ku
Mr. Bosman di VVD a bini kuné fo’i 2012. E ta motiva ku hopi hende hoben for di Antias y vooral for di Kòrsou ta kai den man den hustisia na Hulanda, y ku e hobennan akí no tin ningun futuro na Hulanda. P’esei mester kuminsá pon’é restrikshon nan pa manda e hobennan aki bek Antillen of prohibí nan pa emigrá na Hulanda. Y tambe e ta spera meskos ku Kòrsou kier a pasa e lei 80/20 pa defendé yunan di tera, e ta spera tambe ku Kòrsou lo komprondé su ponensia aworaki.
Pero e lei aki a keda bari for di mesa den 2016! TPK no ta komprondé pakiko ta bolbe publiká e stuk aki aworaki!
Pero e lei aki ta enfatisá riba kon Hulanda ta mira e paísnan den karibe ku ta forma parti di e, asina jama “REINO HULANDES”. Tur kaminda na mundu tin hobennan ku ta kai den mundo di kriminalidat, akaso nos di Kòrsou ta otro? Pero no ta prome, ni uniko bia, nos por kòrda tempu ku Hulanda ke a introdusi un otro tipo i kolo di pasport pa nos. Ketu bai den konseho di minister di Reino, Hulanda tin mayoria. Nos tin apenas 1 minister plenipotensiario huntu ku esun di Aruba i St. Marten. Pues na final semper ta Hulanda tin mayoria. Dikon na 2022 ainda nos ta asombra ku nos no ta igual den Reino. Nos mester habri nos wowonan pa e realidat si.
Awor Hulanda si ke pa Kòrsou tuma tur indokumentado òf asina jama “asielzoekers” sin nos sa ken nan ta. Hues ta dikta sentensiá pa laga nan den libertat riba nos isla, sin nan tin ningun manera legal pa sobrebibí riba nos isla. Hulanda ta papia di asta manda e asielzoekers di Ukrania aki na Kòrsou sin nan por papia nos idioma y sin nan tin ningun fuente di entrada.
FKP tin un lista di mas ku 5000 yu di Kòrsou wardadó riba un kas of un lugá di biba pa hopi aña kaba. Tin problema pa haña skol pa bo yu. SVB tin problema pa paga kuido. Hulanda lo buta fondo pa e asielzoekers so òf pa Kòrsou tambe?
TPK ta puntra si nos kuminsá ku buta kondishonnan basá riba intigridat riba hues nan Hulandes Europeo ku ta bin traha aki na Korsou, si lo sobrá Hues den kas di korte. Òf laga tur Hulandes Europeo deklará for di unda nan fuente di entrada ta promé ku emigrá na Kòrsou lo ta un bon idea?
Ta bon pa e gobernashon aktualmente siña for di e manera ku Hulanda ta trata e país nan den Reino Hulandes y komprondé ku hamas Hulanda lo mira nos komo un partner igual.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
