Deporte
Ta aki tin informashon “Shon’Sira”… “Chu” Martis:”Libis Hurtado a apelá”…
Deporte 5 Star a kombersá awe mainta tempran ku presidente di CSB ku ta Sr. Eduard, “El Chu” Martis.
Nos tur dos ta Yankees i mester tene “El Chu” skerpi.
5 Star a komprondé di e máksimo dirigente di nos sòftbòl ku e la kombersá resientemente ku e presidente di e federashon di sòftbòl di Colombia Sr. Edwin Diaz, kende a konfirmá ku e sòftbolista Srta. Libis Hurtado a haña suspenshon di 1 aña serka Federashon debí ku e tabata envolví den un pelea mahos despues di un wega di final na Colombia.
Segun “Chu” a bisa 5 Star, e máksimo dirigente di sòftbòl di Colombia Sr. Edwin Diaz, e hungadó a apelá e suspenshon, i nan ta pendiente e veredikto. Interesante pa sa ku organisashonnan lokal lo bai di akuerdo ku aktuashon di Libis den nos liga.
Tin dirigente ku a rekonosé na Five Star ku asina nan mira Libis riba tereno, nan lo protesta.
Ban wak, interesante di tur manera “Shon’Sira”.
Tin un ekspreshon ku ta bisa:
”Nos Yama Sinta Mira !!”…
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
