International
Steve Bannon a bai entrega na ofisina di FBI i a keda atendé mesora pa un wes federal
WASHINGTON – Steve Bannon (67) eks konsehero di Trump ku a ninga pa deklará dilanti un komité di miembronan di Kongreso siman pasa relashoná ku e invashon na Capitolio dia 6 di yanüari a entrega su mes ayera na ofisina di FBI.
Den e kaso aki esnan ku a pone preshon pa Steve Bannon bai entrega ta Nancy Pelosi presidente Kongreso i fiskal general Merrick Garland.
Na momentu ku Steve Bannon a yega tabatin un kantidat di periodista ta wardé na entrada di ofisina di Ministerio Públiko.
Steve Bannon a arma hinter un show indikando ku e biaha aki presidente Biden a mete ku hende robes i ku elo bai tuma bengansa kontra dje i Nancy Pelosi.
Despues di hunga su komedia ela hañ’é ta bai den sala di Korte federal.
E wes federal a bisa Steve Bannon pa e entrega su pasaporte i e mester presentá tur siman na ofisina di Ministerio Públiko pa asina e no hui for di pais.
Steve Bannon lo no bai presu ainda te na momentu ku su kaso keda tratá den korte Federal i e fecha aki lo ta pronto.
Merrick Garland a indika ku tin dos kargo kontra Steve Bannon ku ta nifiká ku Ministerio Públiko tin un kaso sólido kontra su persona.
Pa lokual Steve Bannon a hasi i si e keda kondena elo por haña un kastigu di 20 aña di kastigu di prizon.
TEHERAN – E organisashon terorista Islámiko di Palestina denominá komo Hamas a konfirmá ku ayera ku nan lider Ismail Haniya a keda asesiná pa un misil ku a keda lansa riba su residensia ubika na Teherán.
Tin indikashon ku e atentado kontra Ismail Haniya tabata konosí ayera tardi i huntu ku algun di bodygaurdnan a muri.
Masoud Pezeshkian presidente di Iran a publiká riba su kuenta di red sosial X ku lokual a pasa Ismail Haniya ta di lamentá.
Hamas ta kulpa Israel pa morto di Ismail Haniya i a hura di tuma represaya pa lokual a pasa aki.
Mahmoud Abbas presidente di Palestina tambe a kondena asesinato di e lider di Hamas i a kalifiká lokual Israel
a hasi aki komo un akto di kobardia.
Masoud Pezeshkian ta di opinion ku lokual a pasa aki lo bai uni forsa entre Iran i Palestina huntu ku otro paisnan den Medio Oriente mas pa atendé na serio ku Israel.
WASHINGTON – Antony Blinken sekretario di Estado a sigurá ayera for di Washington no ta impliká den e kaso di asesinato di Ismail Haniyeh lider di e grupo Islamita Palestino ku yama Hamás.
Ismail Haniyeh tabata biba na Palestina komo pero a muda pa Teheran pa su seguridat.
Antony Blinken a bisa Merka no ta metí den e atentado kontra Ismail Haniyeh su bida pero tampoko lo bai speluka riba e asuntu aki.
Lloyd Austin minister enkargá ku e kartera di defensa na Merka ku ta na Filipinas a deklará ku lokual a pasa Ismail Haniyeh ta di lamentá i ku Merka su servisio di inteligensia lo bai sòru investigá mas den profundo ken lo a kometé e atentado aki.
Antony Blinken a splika ku lokual a pasa aki lo tin su konsekuensia debí Israel i Hamas tabata na mesa di negoshashon di pas pero lokual a pasa ku Ismail Haniyeh esaki lo nifiká ku esaki lo no ta posibel mas.
International
Maduro ta vinkulá: Lider di Tren de Aragua responsabel den e protesta kontra resultado ofisial elektoral
CARACAS – Nicolás Maduro ta asina desesperá ku e ta vinkulá Héctor Guerrero Flores -alias ‘Niño Guerrero’ lider di e geng kriminal transnashonal ‘Tren de Aragua’ komo responsabel di protesta den sentro di Caracas.
Nicolas Maduro a manda un mensahe pa “E famoso ‘Niño Guerrero’ ku ta dirigiendo su operashon na parti sur di Caracas ku elo no por hui manera e ta pretendé di hasi di krusa frontera pa bai Colombia.
Héctor Guerrero Flores -alias ‘Niño Guerrero’ tabata na Colombia i segun Nicolas Maduro ela keda manda Venezuela bou di òrdu di Merka.
Nicolas Maduro no sa mas kiko inventá pa kita atendé di e froude elektoral na Venezuela ku ta bisto kaba ku ela pèrdè.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
