Deporte
Sta. Rosa Indians kampion Lipo Elhage RBI 2022-2023

WILLEMSTAD – Sta. Rosa Indians a logra un viktoria pèrta i dramátiko den un wega di deskite kontra Marchena Braves pa asina bira kampion di Lipo Elhage RBI 2022-2023 patrosiná pa MCB Bank. Marchena Braves despues di forsa un wega desisivo ganando djadumingu mainta mester a mira kon nan soño di bira kampion a disparsé ku un ‘deadball’. Marchena Braves a logra empatá wega den kabes di 7 ining na 8-8 pero den bom di e mesun ining ei, Indians ta logra yena base i ta bin gana ku skor di 9-8 pa via di deadball ya menshoná. Un kampionato sigur eksitoso ku partisipashon di 6 ekipo i kasi 100 hóben i pa promé biaha dediká na Lipo Elhage na felis memoria. E organisashon ku Lipo Elhage tabata enkabesá i ku tabata su bida, Sta Rosa Indians ku nan hóben manager Manny Boukhoudt a logra gana e máksimo título di e kampionato ku awor ta dediká na su persona. Picher ganador di e wega final aki tabata Rajengelo Paulina miéntras ku Judrick Profar a pèrdè pa Marchena Braves. Mihó bateadó pa Indians tabata Rochandley Cabrera ku a bai di 3-2 miéntras ku Judrick Profar mes tabatin e mihó bate pa Braves di 3-2.
Promé ku wega final a tuma lugá fo’i djasabra tabatin e weganan di dòbel eliminashon ku a kontinuá pa determiná ken ta pasa pa hunga den final.
E promé wega a bai entre e dos ekiponan invikto den e buèlta di dòbel eliminashon. E ekipo ku gana ta pasa pa final i ku un bentaha grandi ku mester pèrdè dos wega den final pa no bira kampion. Sta. Rosa Indians a gana Royal Scorpions Cardinals ku skor di 5-0. Indians a pasa pa final i Cardinals mester a hunga un wega kontra di e ganador di e siguiente wega entre St. Michel Dodgers i Marchena Braves. Braves a gana e wega aki ku skor di 8-7. Pues finalmente djasabra Marchena Braves a topa Royal Scorpions Cardinals pa determiná ken ta bai final djadumingu kontra Sta. Rosa. Marchena Braves a gana e wega aki 8-7 i ta pasa pa final.
Djadumingu Marchena Braves tabatin e tarea difísil ku nan mester gan Sta. Rosa Indians dos biaha pa asina por gana e título. Esaki komo ku Indians no a pèrdè niun wega ainda den e buèlta di dobel eliminashon. Den promé wega Braves a gana ku skor di 12-2 pa asina forsa e wega final pa sa ken ta bira kampion.
Durante e dia final ayera di Lipo Elhage RBI tabatin un momentu bunita ora ku e representante di Torneo Fabb di e organisashon di Brievegat, Ernt Meyer a risibí dos kaha di bala for di Ben Thijssen di Torneo RBI i Curacao Baseball Development Foundation (CBDF). Torneo Fabb tambe tabata hungando su final pero pa e hóbennan di Little League i Minor riba e mesun dia aki. Algu ku semper Lipo Elhage tabata para pe ta pa e yudansa na e organisashonnan di Little League.
Finalmente e kampionato aki di Lipo Elhage RBI 2022-2023 no tabata posibel sin MCB Bank komo spònser prinsipal i tambe CBDF, KNBSB, MLB i Fundashon pa Nan.
Deporte
Giants A Firma Roberto Perez… …Catcher Venezolano..

E tim di San Francisco Giants a firma e catcher veterano Venezolano Roberto Perez.
Roberto Perez tin 34 aña di edat.
E la hunga 8 temporada ku e organisashon di Indians ku a bira Guardians.
Temporada pasá e la hunga apénas 69 wega, bati 2 homerun i empuhá 8 kareda.
Roberto Perez ta konosí pa su tremendo defensa tras di plato.
Deporte
E ta ku Piratas: Andujar ta bai Triple A…

E pelotero dominikano eks Yankee Miguel Andujar a asepta di baha pa triple A ku e organisashon di Piratas di Pittsburgh.
Piratas a firma Miguel Andujar pa $ 1.500.000 pa e temporada benidero, pero e pelotero a wòrdu kitá for di roster pa traha lugá pa otro pelotero riba e roster di 40.
Andujar no a opta pa bira agente liber, sino e la aseptá di bai triple A.
E lo ta ku e tim den Springtraining i lo trata na keda ariba.
Andujar a subi ku Yankees komo tersera/base, pero tambe e ta hunga leftfield, primera i bati komo designa.
Deporte
Nottinham Forest a logra den pitu pa firma Keylor Navas

LONDRES (C) – E ekipo ingles Nottingham Forest a logra den pitu tòg pa firma un portero kual nan ta tin hopi mester di dje.
Nan a logra risibí Keylor Navas pa e restu di temporada for di Paris Saint Germain.
-
Lokal7 days ago
LABdeMED a tene simposio: Tema kompliká pero masha importante pa trata i evitá malesanan vaginal
-
Lokal6 days ago
Investigashon riba broyo di 100.000.000 Euro!!
-
Lokal6 days ago
Korte di Hustisia a ordená: Investigashon riba broyo di 100.000.000 Euro!!
-
Lokal6 days ago
Lidewijde Ongering ta presidente nobo di e Kolegionan di supervishon finansiero
-
Lokal6 days ago
Quincy Girigorie ta alertá OJO!: MFK ta monta show pa tapa kos grandi i mahos!
-
Lokal6 days ago
JetBlue ku oumento di buelo pa Kòrsou for di New York
-
Lokal7 days ago
Ken dje 244 interesadonan ta bin na remarke pa bira doño di tereno na Gato
-
Lokal7 days ago
Kòrsou tin kabuya di horka di Naf. 900 mion