Deporte
Sr. Rigmold, “Nochi” Offerman, eks estrea di vòlibòl: “Qatar tabata uniko..Un lugá inkreibel”…. El a mira 7 wega di Mundial…
Rigmold, “Nochi” Offerman, eks estrea di vòlibòl tambe tin komo hòbi asistí na kampeonato mundial di futbòl.
“Nochi” Offerman e aña aki a bai su di kuater kampeonato mundial di futbòl ku tuma lugá na Qatar. Rigmold a konta 5 Star ayera ku e la pasa den un eksperensia enorme na Qatar.
“Qatar ta inkreibel.
Hopi organisá i ku un disiplina enorme.
Pa Rigmold tabata un di su mihó mundialnan ku e la presentá.
Qatar sigur a superá Rusia.
“Nochi” a konta 5 Star ku e la mira na tur 7 wega di e kompetensia mundial, i ta bek na Kòrsou hopi satisfecho.
Sr. Offerman ta splika ku e ta kuminsá plania tempran pa bai mundial di futbòl.
E kompetensia na Qatar a kosta Rigmold Offerman 11.000 florin.
E la splika nos kos e la perkurá di hasi su reservashonnan tempran.
E la bula di Kòrsou pa Bèlgika, i bai Ulanda ku trein.
Di Amsterdam e la bula pa Egipto, i di ei e la bai Qatar. Si e ta bisa ku e mester a kana hopi na Qatar, pero e organisashon tabata total.
Ta Rigmold su deseo pa kualke dia regresá Qatar paso ta trata aki di un Pais sumamente bunita.
Pa e eks estrea di vòlibòl su eksperensia na Qatar tabata úniko.
“Disfrutá”, e la deklará.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
