Deporte
Souax a logra viktoria di 4-2 riba Santa Rosa Angels
WILLEMSTAD (C) – Djasabra ta tin kontinuashon di e kampionato di softbol femenino pa loke ta kategoria di AA.
E dos ekiponan kual ta Souax kende ta komanda e kampionato a enfrentá e ekipo di Santa Rosa Angels.
Ta un partido bon bringa pa ámbos pero ta den e di 3 entrada kual a resultá grandi pa Souax.
Den e entrada aki e hóben Ashanty Alexandrea ta konekta un bataso kaminda ela empuhá 2 kareda mas pa Souax . Santa Rosa a menasa den e último entrada pero a logra 2 kareda so pa e partido terminá 4-2
E ekipo di Souax : 4 kareda 9 hit i nan kometé un 1 eror .
E Picher ganadó a resultá di ta e hóben J’Dah Girigorie.
Mihó bate : Ashanty Alexandre kende ta tin un bon anochi i ela bai di 2-2.
Pa e ekipo di Sta Rosa Angels : 2 kareda 3hit i 0 eror.
E Picher pèrdèdó a resultá di ta Magenta Bernadina.
Mihó bate: Jandely Ricardoku a bati di 1-1.
J’Dah Girigorie..
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
