Deporte
Sin duda: Marlon, “Lonte” Balentin un gran eks pelotero….
Danki na amigu Rudy Cicilia ku tremendo dokumentashon awe un “spot-light” riba un gran eks pelotero, dirigente i hòmber di organisashon ku ta Marlon, “Lonte” Balentin.
Lonte Balentin a kuminsá su karera den e tim di J&B serka Wilfrido Valeriaan (dfm) i despues di pasa un ratu den Blue Hawks ora ku J&B a djòin ku Blue Hawks e la pasa pa e prestigioso organisashon di Royal Scorpions kaminda e la finalisá su karera komo pelotero i dirigente.
“Lonte” Balentin no únikamente tabata un bon pelotero, un bon outfielder ku tabata kore i bati, pero e tabata semper un pelotero fiel na klup ku nunka a sinti e nesesidat di bai laga su organisashon stimá Royal Scorpions.
Lonte a integrá tambe un kantidat di selekshon di Kòrsou i Antia i tabata un hungadó ku semper Internashonalmente a saka kara.
Despues di stòp komo pelotero aktivo e la dediká sumes na maneho i a dirigí Royal Scorpions pa vários aña.
Un dirigente ku semper tabata dispuesto pa hasi tur kos pa su klup manera ántes tabata, buskando hungadó, tresiendo material i atendé tur loke ta konserní klup i organisashon.
Marlon, “Lonte” Balentin por mira atras riba un karera impreshonante, “Un Obrero Di Baseball” i pa Royal Scorpions/Mr. Baseball.
Marlon, “Lonte” Balentin risibiendo su premio.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
