E tim di Cardenales di San Luis a firma e catcher Wilson Contreras pa 5 temporada pa $ 87.500.000.

Wilson Contreras su firma ta pa e remplasá Yadier Molina ku a tuma e desishon di retirá for di baseball komo pelotero aktivo. Wilson Contreras ta ku e tim di Cubs ya pa 7 temporada.
E la bira kampeon mundial ku nan na 2016.

Den temporada di 2022 Wilson Contreras a bati 22 homerun den 113 wega.

BERLIN (C) – Tur kos ta kla i manera e tékniko mes a deseá tambe , e federashon di futbòl aleman a disidí di ta mantené e tékniko Hansi Flick komo e tékniko di e selekshon
Hopi lo a pensa ku lo retirá e tékniko esaki debí na e resultado ku e selekshon ta tin den mundial kual nan a keda eliminá for di den promé buèlta.
Pero apesar di esaki tòg e federashon tin amplio konfiansa den e tékniko Hansi Flick
Esaki mes a pone ku nan lo sigi kuné pa e dirigí e selekshon.

Nan ta kere ku e selekshon lo por bai na logra kosnan grandi

E kasá dje futbolista estrea Cristiano Ronaldo ku ta Georgina Rodriquez un modelo Spañó no a keda niun tiki kontentu ku su “Papi” a kuminsá e wega vs Suiza riba banki.
E la felisitá Portugal pa e triunfo, pero a pone aserka ku Fernando Santos a impedí nan di mira e mihó futbolista di mundu 90 minüt.
E la bisa ku tur atenshon a bai paso Cristiano tabata riba banki.
Ora di himno kámara no tabata riba e futbolistanan di Portugal sino riba Cristiano Ronaldo.
For di momento ku wega a start e públiko tabata grita nòmber di Cristiano Ronaldo.

Ora Cristiano a drenta hinter stadion tabata grita e nòmber di Cristiano.
E la lamentá ku e DT di Portugal a kuminsá ku su kasá na banki.
“E la stroba nos di mira e mihó futbolista di mundu 90 minüt”, Georgina a deklará.