Deporte
Siman pasa direktiva i e tim di maneho di FFK a partisipá na un workshop di Concacaf
WILLEMSTAD – Dianan 23 i 24 di yanüari último, direktiva di FFK, sekretario general, direktor tékniko, manager di finansa i e FIFA Forward coordinator di FFK a partisipá na e ‘Executive Mentoring Workshop’ di CONCACAF. Esaki ta un workshop ku CONCACAF ta duna na tur su miembronan pa yuda den e adelanto i maneho general di e federashon.
Sr. Howard McIntosh (Head of One Concacaf & Caribbean Projects) i Sr. Horace Reid (Director of Caribbean Member Associations Affairs of CONCACAF) tabata esnan enkargá ku e workshop aki kaminda tur esnan ariba menshoná a asistí.
Durante e workshop a toka e siguiente tópikonan:
· Liderasgo
· Bon gobernashon
· Ròlnan importante i nan responsabilidatnan
· Atministrashon i operashon
· E ròl di un ‘executive council’
· ‘Executive council meetings & congresses’
· Planifikashon stratégiko
· Integridat den futbòl
· Maneho di krísis
E workshop aki sigur tabata hopi informativo i tur e partisipantenan lo bai traha riba e puntonan ku a bin dilanti durante e workshop p’asina nos federashon por sigui progresá.
Despues di e workshop aki por a konkluí ku FFK mester bai hasi algun adaptashon den sierto proseso i trabounan mirando ku FIFA i CONCACAF ta para firme pa tur pais afiliá praktiká ‘good governance’, integridat i étika.
Ku e informashonnan optené durante e Executive Mentoring Program i e diseño di un plan stratégiko ta sigurá ku tur esnan envolví ku futbòl ta komprondé e responsabilidat di FFK i tambe kumpli ku reglanan di FIFA, CONCACAF, CFU i FFK.
Pues trabounan lo kontinuá pa FFK por sigui desaroyá i bira aun mas grandi.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
