Deporte
Sidney Bito, hefe di “Security”: “Mi’n por paga si no a haña plaka”…
5 Star a bai kas, i mainta tempran nos a tuma kontakto ku Sidney Bito, Tata, kende a tende nos ku pasenshi.
I na promé instante e no kier a duna komentario.
Sinembargo 5 Star a komprondé for di e eks estrea di futbòl ku sèn ku FFK mester paga nan pa trabou no ta subiendo kuenta. “E situashon ta ferfelu, pero e “muchanan” ta traha i ta reklamando ku nan no ta kobrando”, Sidney a deklará.
Parse ku nan a traha wega Internashonal, a traha tambe weganan ku Aruba i Bonaire a hunga komo bishitante paso nan stadion no ta aprobá pa FIFA, pero sèn mes ta ketu.
Parse ku nan ta tende ku mester tin pasenshi paso a hinka masha hopi sèn den selekshon U-20 ku a hunga na Honduras.
Ta inkreibel, paso hopi dje muchanan ku ta traha pa e security ta hasiele ku amor i pa por haña algu èkstra pa yuda na kas. Traha pòrnada si no por !!
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
