Lokal
Si a tende di Angelo Clarenda awe tabata otro

Lokal
Interpol no a laga Hustisia di Surnam uza nan

WILLEMSTAD – Awor ta resultá ku den su fuga ela bai ku e hard disc dje kòmpiuter ku datonan vital di finansa dje pais di akuerdo ku deklarashon di un kolaborador di presidente Chan Santokhi.
Direktamente despues ku ela bandona e pais, hustisia di Surnam a hasi un apelashon riba Interpol pa aresté pero nan Interpol no por aktua riba e petishon.Pa konsehero presidensial ta opvio ku Hoefdraad a bai ku datonan importante ku e no kier pa Hustisia haña sa di nan.
Ta trata di un lista di hopi fiansa i otro dilnan ku Hoefdraad a sera na nomber di gobiernu di Surnam ultimo añanan.
Segun e konsehero nan ta sospecha ku e èks minister a probecha personalmente di hopi dje dilnan aki sino si e no tin nada di skonde, sea bo ta traspasá tur kos nèchi i bai bo kas.
Masha tempu kaba nan tabata sospecha ku e tabata komete chanchuyo na gran eskala i dje manera aki a violá diferente lei di orden internashonal.
Problema ta ku ningún hende sa unda Hoefdraad ta aktualmente.
Ta ekspertonan ku ta traha riba e plan ekonomiko di Surnam a ripará ku falta dato i ta solamente su kolaboradornan intimo sa e detayenan pero nan tur a hui for di Surnam ku informashon vital.
INTERPOL
Hustisia na Surnam a pidi Interpol pa arestá Hoefdraad i sin husga e proseso hudisial na Surnam i Interpol a chèk e puntonan ku Hustisia di Surnam mester a uza pa hasi e petishon.
Tres checkpoint tabata sentral pa Interpol:
(1) e delito ku ela komete tin un karakter politiko?
(2) a deskribi e delito klaro i konkreto
(3) e delito a perhudika estado pa e benefisia su mes?
Tur pais ku ta miembro di Interpol ta supone di sa e kondishonnan aki ora pidi Interpol pa arestá un persona.
Interpol a evalua e petishon i a konstata ku Surnam no por a proba ku no ta persekushon politiko tabatin i si e delito ta kai bou di leinan penal i ku Hoefdraad a enrikese su mes a kosto di estado.
Riba tur e kontesta tabata negativo. Pa kolmo kampaña politiko e aktual gobiernu a priminti votadónan ku nan lo aresta e ladronnan.
Tampoko hustisia na Surnam no por a papia di perhudika estado a kambio di benefisio propio.
Pe motibunan aki Surnam hamas mester a pidi Interpol pa arestá Hoefdraad. I pa kolmo gobiernu di Surnam a kòrta su mes nanishi i a dal su mes bòftá sin man ku a bin pa perhudika nan mes pasobra Surnam a aktua en violashon ku prinsipikonan di imparsialidat i proseso honesto.
Lokal
Medidanan di Gobiernu a kousa masha problema na SVB

WILLEMSTAD – Personal di SVB awe mainta a kanta wèlga, pasobra nan ta kontra dje medidanan ku gerensia di SVB a tuma ku ta relashona ku nan kondishonnan di trabou. Gerensia di SVB a partisipá su trahadónan ku independiente di e sifra di índise pa anja 2021 i 2022, no ta indèksá e salarionan di personal di SVB. Ademas no ta otorga oumento di salario na personal ku a haña un evaluashon positivo pa anja 2021 i 2022. Tambe e karta firmá pa direktor Philip Martis, 16 di mei 2022, ta menshoná ku ta suspendé pago di kompensashon pa fakashon pa aña 2022 i 2023. Gregory Wilson, di direktiva di ABVO a bisa awe mainta na e trahadonan di SVB ku e sindikato ta konstatá ku no tin espasio pa papia i ku mas bien ta partisipashon, gerensia di SVB ta duna. Segun Wilson, si akaso mester tuma medida, sikiera gerensia mester bai serka e sindikato ku mester notifika e trahadonan pa por negosha kiko por i no por. Wilson a bisa e personal den akshon na SVB, ku e sindikato ke tende kiko nan ta opiná, pa sa kon mester delibera ku gerensia di SVB.
VVU
E karta ta menshona tambe ku debi na e difikultatnan finansiero di SVB, no por bai di akuerdo ku e lei ku ta regla retiro boluntario (Landsverordering vervroegd vrijwillige uitstroom, VVU P.B. 2021. N0. 65). Ademas e ordenansa di lei aki no ta eliminá e redukshon di 6% pa un persona ku baha ku penshun prematuro. ‘Kumplimentu ku lei na e momentu aki ta implika mas gastu pa SVB riba termino kòrtiku’. Philip Martis ta splika,ku manera gerensia a informá anteriormente, e resultadonan finansiero di SVB no ta faborabel. E krísis finansiero i sosial-ekonomiko na Kòrsou tin konsekuensianan drástiko pa finansas di SVB. Banda di esaki gobiernu a disidi dia 30 di juli 2021 ku SVB mester redusí 9.2 mion (23%) riba su gastunan operashonal.
Esaki ta ensera ku banda di e medidanan ku a tuma kaba, (manera suspenshon di indeksashon, oumento periodiko i plaka di fakansi) mester tuma mas medida pa por realisá e ekonomisashon ku gobièrnu a indiká.
Esaki ta inklui prinsipalmente redukshon di personal via penshun. Komo konsekuensia di esaki, gerensia di SVB ta obligá pa mantene e medidanan di ekonomisashon den e kondishonnan laboral di personal pa anjanan 2022 i 2023.
SOLIDARIO
E presidente di Grupo di Servisio di SVB, ta kontra ku ta personal di SVB so mester karga e konsekuensianan dje malester ekonomiko di Kòrsou. E ta pidi pa respeta derecho dje trahadonan. Si gerensia ke papia, e mester hasie ku ABVO, Grupo di Servisio i tur personal ku ta den akshon. Asina e presidente di e grupo di Servisio a bisa awe mainta. No mester ta asina ku personal di SVB mester ta solidario ku trahadonan pafo di SVB, paso e pregunta ta ken ta solidario ku nan.
Gerensia di SVB ta konsiente di e implikashonnan di e medidanan pero no por hasi otro bou di e sirkumstansianan finansiero aktual. Philip Martis ta finalisá e karta, indikando ku gerensia ta konta ku koperashon dje personal di SVB i ta konfia ku huntu lo sigi sirbi e komunidat ku mesun profeshonalismo i dedikashon pa salbaguardiá mas tantu kupo di trabou posibel i ku konhuntamente lo surpasá e tempunan dífisil.
ABVO ta hiba e kaso korte. I trahadonan a reanudá trabou.
Lokal
Ajuste di lei makutu básiko ta na SER

WILLEMSTAD – Relashona ku oumento di preis di kuminda, gobièrnu a entama un proseso di lei, pa ajusta e lei di makutu basiko.
Esaki ta basá riba e artikulo dos di e Ordenansa di Preis di 1961.
Na momentu ku Ruisandro Cijntje, a asumi e posishon di minister di Ekonomia ela ajustá e makutu básiko i amplia e produktonan aki.
E proseso aki ta kanando i ta Esaki ta nifika ku lo metigá e subida drastiko di prèisnan riba e produktonan básiko di promé nesesidat.
E proposishon pa ajustá e lei di makutu básiko a bai departamentu Huridiko di gobièrnu i a haòa remarke tambe di SER.
Aktualmente e lei di ajuste pa makutu básiko a bolbe bai SER. Minister Cijntje a bisa ku tur dia e ta puntra ki dia SER ta keda klá ku e lei pa su ministerio finalisá e trajekto aki,
Tambe e ministerio di Minister Cijntje, a amplia e team di personal enkargá ku inspekshon di komestibel pa por tin kontrol mas intensivo, entre dos pa tres biá pa siman, riba prèis di produktonan di vital importansia den e sektor di komestibel riba diferente produkto. Segun minister Cijntje ta mira esaki tur e dianan aki i no esei só, pero tambe riba prèis di produktonan i tambe riba kantidat di produktonan ku ta konfiská. Esaki ta un prueba segun e minister, ku e kòntrònan intensivo ta tuma lugá riba prèis i produktonan di kua nan fecha a vense. Esaki ta tuma luga den Team Multidisiplinario huntu ku GMN i SBAB.
Gobièrnu a registrá tambe tur prèis di produktonan di vital importansia den diferente sektor, pa Fundashon pa Konsumidó por kompará i publiká prèisnan na diferente negoshi.
Esaki ta stimula kompetensia entre dje negoshinan, e mandatario ta splika.
Fundashon pa Konsumidó ku ta risibi supsidio di gobièrnu, ta yuda riba e tereno aki i na su turno ta hasi komparashonnan di prèis na diferente supermerkado, minimarket, toko i otro establesimentunan. Publikashon dje komparashonnan di prèis, ta tuma luga den korantnan i ta aksesibel tambe riba website di MEO i Fundashon pa Konsumidó.
Segun minister Cijntje, esaki ta hasi konsumidónan mas konsiente unda nan por kumpra produktonan mas kumbiniente.
LOGISTIKA
Minister Cijntje a referi tambe na e parti logistiko di nos Haf. Ela bisa ku den e kuadro aki gobièrnu a instalá un komishon presidi dor di CPA. Tambe a asesorá e komishon dor di SOAB. ‘Kaminda ku nos ta buska profeshonalnan i tambe diferente stakeholder den e sektor aki ta trahando riba e problematika aki, pa presenta algun sugerensia ku mester resultá den mehorashon di e servisio di nos Haf.
Esaki mester evitá tardansa i skarsedat, ku na su turno por kondusi na oumento di prèisnan di komestibel. Resientemente gobiernu a reuni ku CPS i e truckdrivernan.
‘A forma un komishon i kosnan ta kanando, a introdusi un sistema di traha nobo pa saka tantu produkto posibel for di haf .
Sinembargo ta un hecho, segun minister Cijntje, ku nos haf ta haòa 48 porshento más tantu karga ku tabata drenta, promé ku pandemia di Covid a surgi.
E hecho ku nos ta haòa hopi mas ta karga, ta hasi nesesario pa hasi un analisis di kosnan ku mester tuma luga, den servisio ku ta duna den nos haf.
-
Deporte6 days ago
Di 24 pa 26 di yüni: “Curaçao Night With The Braves”…
-
International6 days ago
Pa apoyo na protesta na 2019: Agentenan federal na Hong Kong a detené kardinal katóliko Joseph Zen
-
Lokal5 days ago
‘’Hendenan di menos rekurso no ta baki di sushi’’
-
Deporte7 days ago
Yankees lo kambia Ken Waldichuk ???
-
International6 days ago
Outoridatnan na Spaña a arestá fugitivo mas buska na Inglatera
-
Sosial7 days ago
The Distinguished Gentlemen’s Ride 2022
-
Lokal6 days ago
Enfermeronan ku mas di 40 aña di servisio: “Kuida tur pashènt mané ta famia”
-
International6 days ago
Segun inteligensia merikano: Gera entre Rusia i Ukrania lo por bai dura basta largu