Deporte
Selekshon Senior League Softball trahando ku animo…
Deporte 5 Star tabata presente djasabra mainta na parke di Buena Vista i a presensiá training dje selekshon di sòftbòl di Liga Soraida Juliana kategoria Senior.
Mester rekonosé ku tantu nos selekshon Junior komo Senior League ta trahando ku hopi ánimo i seriedat pa nan kompromiso na Puerto Rico próksimamente.
Isonette Polonius ta dunando un aporte inkreibel na e selekshon.
Djasabra nos a keda impreshoná ku tur “screen” (nan) protektor ku tabatin riba tereno pa e training dje selekshon Senior League bou di direkshon di Juretty Poulo, Patrick Girigorie i Nataly Lourens.
Ta Estados Unídos so nos a mira ku tantu “screen” asina.
Ta bale la pena bisa ku tin hopi ánimo sigur serka dirigente.
Ban spera ku nos lo logra un resultado satisfaktorio pa asina nos sigui traha ku ánimo.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
