Deporte
Selekshon di Kòrsou ta kla pa enfrentá Honduras
WILLEMSTAD (C) – Tur kos ta mustra di ta kla pa e partido di futbòl kual nos selekshon lo bai enfrentá e selekshon di Honduras..
Ya kaba nos a realisá algun training i nos muchanan ta den top kondishon kisas un of dos ku leshon leve. E selekshon di nos ta presentá ku algun kara nobo .
Tur a bin p’asina yuda nos selekshon .
Nos tin basta luna sin ta mira nos selekshon den un berdadero enkuentro i ata e chèns a presentá aki.
Kòrda ku nos selekshon mester di un publiká animá pa sina yudele den e wega di dia 3 di yüni próksimo den Stadion Ergilio Hato SDK.
Tur nos hungadónan tei i ya kaba karchinan ta optenibel na e siguiente puntonan di benta.
Nan ta Mensing Caminada , Ven Den Tweel Supermarket i sentronan di pago Tu i Yo i online tambe link https//caribbeanticketshop.com/events.curacao –honduras-03-06-2022.
Tambe bo por kumpra bo karchi na FFK i botika Mampuritu i 4 th July snek na Barber i pomp di gasolin na Sta Maria. Entrada general ta kosta fls 25, pa tur hende i VIP ta kosta fls 200 i ku konsumo inklui.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
