Internashonal
Sekretaria di Tesoro Federal a sigurá ku gobiernu di Biden trahando duru pa evitá un reseshon
WASHINGTON – Janet Yellen sekretaria di departamentu di Tesoro merikano a sigurá den e programa di CNN “State of Union” ku e atministrashon di Biden ta trahando duru pa evitá un reseshon na Merka.
Janet Yellen a bisa ku e mes a pensa ku lo tabata inevitabel ku lo a bini un reseshon debí ku bankonan a subi tasa di interes riba fiansa i hipotek kombiná ku subida di preis di gasolin.
Aktualmente ta paga $5 pa galòn di gasolin i ku esaki lo por alkansá di yega te na $7 denter pa otro luna mes. Janet Yellen a bisa ku teniendo kuenta ku esaki ta ku kosto di bida a subi debí na e gera ku tin entre Rusia i Ukrania.
Lokual ku a keda proponé pa normalisá e situashon i evita un reseshon ta pa usa parti di e fondonan di mantenshon di karetera pa supsidiá parti di oumento di gasolin.
Janet Yellen a splika tambe ku presidente Joe Biden a reuní ku tur e doñonan di empresanan petrolero pa nan tambe koperá pa no sigi oumentá preisnan di kombustibel.
E parti ku tambe ta pone ku por evita un reseshon ta ku e tasa di desempleo ta na 3.6 porshento i forsa di kompra a keda haltu.
E kombinashon aki ta un perfekto ku por trese trankilidat sikiera ku atministrashon di Biden por evita un reseshon segun Janet Yellen.
TEHERAN – E organisashon terorista Islámiko di Palestina denominá komo Hamas a konfirmá ku ayera ku nan lider Ismail Haniya a keda asesiná pa un misil ku a keda lansa riba su residensia ubika na Teherán.
Tin indikashon ku e atentado kontra Ismail Haniya tabata konosí ayera tardi i huntu ku algun di bodygaurdnan a muri.
Masoud Pezeshkian presidente di Iran a publiká riba su kuenta di red sosial X ku lokual a pasa Ismail Haniya ta di lamentá.
Hamas ta kulpa Israel pa morto di Ismail Haniya i a hura di tuma represaya pa lokual a pasa aki.
Mahmoud Abbas presidente di Palestina tambe a kondena asesinato di e lider di Hamas i a kalifiká lokual Israel
a hasi aki komo un akto di kobardia.
Masoud Pezeshkian ta di opinion ku lokual a pasa aki lo bai uni forsa entre Iran i Palestina huntu ku otro paisnan den Medio Oriente mas pa atendé na serio ku Israel.
WASHINGTON – Antony Blinken sekretario di Estado a sigurá ayera for di Washington no ta impliká den e kaso di asesinato di Ismail Haniyeh lider di e grupo Islamita Palestino ku yama Hamás.
Ismail Haniyeh tabata biba na Palestina komo pero a muda pa Teheran pa su seguridat.
Antony Blinken a bisa Merka no ta metí den e atentado kontra Ismail Haniyeh su bida pero tampoko lo bai speluka riba e asuntu aki.
Lloyd Austin minister enkargá ku e kartera di defensa na Merka ku ta na Filipinas a deklará ku lokual a pasa Ismail Haniyeh ta di lamentá i ku Merka su servisio di inteligensia lo bai sòru investigá mas den profundo ken lo a kometé e atentado aki.
Antony Blinken a splika ku lokual a pasa aki lo tin su konsekuensia debí Israel i Hamas tabata na mesa di negoshashon di pas pero lokual a pasa ku Ismail Haniyeh esaki lo nifiká ku esaki lo no ta posibel mas.
Internashonal
Maduro ta vinkulá: Lider di Tren de Aragua responsabel den e protesta kontra resultado ofisial elektoral
CARACAS – Nicolás Maduro ta asina desesperá ku e ta vinkulá Héctor Guerrero Flores -alias ‘Niño Guerrero’ lider di e geng kriminal transnashonal ‘Tren de Aragua’ komo responsabel di protesta den sentro di Caracas.
Nicolas Maduro a manda un mensahe pa “E famoso ‘Niño Guerrero’ ku ta dirigiendo su operashon na parti sur di Caracas ku elo no por hui manera e ta pretendé di hasi di krusa frontera pa bai Colombia.
Héctor Guerrero Flores -alias ‘Niño Guerrero’ tabata na Colombia i segun Nicolas Maduro ela keda manda Venezuela bou di òrdu di Merka.
Nicolas Maduro no sa mas kiko inventá pa kita atendé di e froude elektoral na Venezuela ku ta bisto kaba ku ela pèrdè.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
Gustavo Petro a atvertí ku si tin froude elektoral Maduro tin di sufri konsekuensia
-
Aruba7 years agoHoben ehemplar a fayece despues di accidente di trafico
-
Aruba7 years agoRafael Estrada: “Un paso gigantesco a wordo tuma cu firmamento di MoU pa Fast Ferry”
-
Sosial4 years agoAwe ta kumpl 26 aña morto di Selena Quintanilla
-
Lokal7 years agoPremier Rhuggenaath na seminario di GOA: ,,Desaroyo ekilibrá i duradero di Kòrsou ta rekerí diálogo habrí i kolaborashon riba tur nivel”
-
Internashonal7 years agoSegun The Washington Post: FBI tin sufisiente prueba ku Trump tabata kontratá ilegal pa traha na su Golf Club
-
Katoliko4 years agoSantísima Trinidat
-
Aruba7 years agoStudiante Albanes a trata di soborna Polis
-
Katoliko4 years ago
Poderoso orashon Na Spiritu Santu pa tempunan desafiante
