Deporte
Segun su Entrenadó SugarHill Steward: “Fury a kana ku e “polítika” ku Tin Den Bòkseo”..
• Tyson Fury a tuma e desishon di retirá for di bòkseo. Tin hopi hende ku no ta konvensí ku e kampeon mundial lo keda afó pa semper i ku e lo ta bek den ring.
Su entrenadó ku ta SugarHill a bisa ku Tyson Fury ta stima bòkseo i ketu bai ta train.
Sinembargo Tyson Fury tin sen, i realmente e la kansa ku e “polítika” ku tin den bòkseo mundial.
Segun Steward Tyson Fury su deseo ta pa bringa e kombatenan ku e ta desea, i no e peleanan ku promotornan ke, i ke pone kondishon pa nan.
Steward a bisa ku Tyson Fury ta hopi fadá ku e “polítika” ku tin den bòkseo.
E ta kla ku e kos.
E tin salú, e tin sèn i gran famia.
I Tyson Fury no ta e tipo di deportista ku ta gasta masha hopi sèn na koi’loko.
E ta hopi simpel.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
