Informashon ku deporte 5 Star a haña ta mustra ku e tim sensashon di temporada pasá e Samineronan di Jong Colombia ta trahando duru pa mantené nan posishon o hasta kisas bai pa kampeon.
E organisashon di Boka San MIchiel ta trahando riba partinan ku por yuda e tim mehorá i nan ta den kontakto ku algun futbolista.

Si 5 Star su informashon ta korekto, e tim Saminero ta práktikamente kla ku 2 futbolista.

Ta trata aki di Derlph Saintilus i Darlyson Ellensburg. Derlph Erick Saintilus ta un futbolista hóben ku ta primintí hopi ku vários tim a mustra interes den dje.
E ta hunga den mediokampo i ku poko mas madures e lo ta un futbolista estrea den nos futbòl. Sin duda e lo yuda e tim di “Pipi” Constancia manera pa Zinho Constancia.
Otro refuerso pa e tim Saminero ta e atakante Darlyson Ellensburg ku ta djòin e tim Saminero for di e tim di Centro Barber.
Ellensburg tabatin su mihó añanan den e tim di Vesta ku kual e la bira kampeon i sup kampeon kuné.

Ta rekord’é komo parti dje trio di: Chendo Kerindongo i Mirco Colina Jr. Ellensburg no tabata mes skerpi den e tim di Centro Barber.
E ta un delantero ku sin duda lo yuda e plantel Saminero.
Su 5 Star su informashon ta korekto, Jong Colombia sigur a kuminsá reforsá nan tim.
5 Star a kombersá ku un hende ku a topa ku “Pipi” Constancia, i parse ku “Pipi” ta kana hari so. Lo por tin mas refuerso na kaminda tambe.