Connect with us

International

Segun estudio maneho iresponsabel di Bolsonaro: Relashoná ku bakunashon antisipá kontra Covid a pone ku 47.000 ansiano a muri

Published

on

Luiz Inácio Lula da Silva/ Jair Bolsonaro.

SAO PAOLO – Sientífikonan di Fiocruz ( Fundación Oswaldo Cruz) a entrega resultado di nan estudio relashoná ku e kantidat di bida ku por a skapa si e atministrashon di Bolsonaro tabata mas responsabel pa bakunashon antisipá.
Gobiernu di Bolsonaro tabatin e oportunidat pa ta entre e promé nan den risibí bakuna di laboratorionan manera Pfizer i Johnson & Johnson.
Pero kiko a pasa ta ku Jair Bolsonaro a trata na kopia estilo di Donald Trump den tur lokual ela trata na hasi relashoná ku Covid-19.
Brazil ta na di dos luga riba e planeta aki despues di Merka ku e kantidat di mas haltu per kapita di hendenan ku a muri infektá ku Covid-19.
E motibu dikon asina tantu hende a muri segun estudio di sientífikonan Brasileño di Fiocruz ta debí ku presidente Jair Bolsonaro no tabata kier gasta plaka pa importá bakuna prinsipalmente pa hendenan mayor di edat.
E filosofia ku Jair Bolsonaro tabatin ta ku si e hendenan aki muri ta debí ku nan dia pa muri a yega.
Teniendo kuenta ku e tabata na altura ku na kasnan di ansiano nan na rònt Brazil suidadanonan den kasnan di ansiano tabata muri na gran kantidat.
Oswaldo Cruz sientífiko i direktor di Fiocruz a bisa ku por lo ménos 47 mil ansiano tabata por a skapa si atministrashon di Bolsonaro a suministrá bakuna na e kasnan di ansiano na diferente parti di Brazil.
Luiz Inácio Lula da Silva a logra derota Jair Bolsonaro ku e informashon aki ku ela faya garafalmente ku su maneho di salubridat relashoná ku pandemia di Covid-19.

 

 

 

 

Continue Reading

International

Kamala Harris lo asistí na entiero di Tyre Nichols

Published

on

By

Kamala Harris vise presidente di Merka tambe lo ta presente awe na entiero di Tyre Nichols.

MEMPHIS – Awe lo tin entiero di Tyre Nichols kende ta e hòmber afroamerikano ku a keda asesiná ku gòlpi pa 5 agente polisial pretu na Memphis.
Kamala Harris vise presidente di Merka a anunsiá na familiarnan di Tyre Nichols ku elo bai ta presente.
Reverendo Al Sharpton tambe lo ta presente na e entiero di Tyre Nichols pa asina trata na mantené kalma.
Ta spera ku na e entiero aki lo bai tin bastante manifestante teniendo kuenta ku polis ta bolbe kometé un fayo garafal di asesiná un hòmber pretu indefenso.
E biaha aki no ta polis blanku ku ta bati un afroamerikano mata sino 5 agente polisial pretu ku a hinka nan kurpa den bastante problema ku hustisia.
Tyre Nichols a muri den un hospital na Memphis dia 7 di yanüari despues ku agentenan a batié durante mas ku 10 minüt.

 

Continue Reading

International

Tiroteo na Lakeland a laga un saldo di 10 herido di kual 2 ta den estado kritiko

Published

on

By

Sam Taylor hefe di kuerpo polisial na Lakeland

LAKELAND – Sam Taylor hefe di kuerpo polisial na Lakeland a konfirmá ku tin un investigashon andando relashoná ku un kaso di tiroteo na un bario marginá kaminda hóbennan tin kustumber di ta bende mariwana.
Lokual a pasa segun Sam Taylor ta ku un grupo di hóben tabata supuestamente bende mariwana bou di un palu na un konosido bario marginá na Lakeland ku yama Cumberland.
Aparentemente un vehíkulo kolo blou ku 4 persona abordo a pasa basha bala riba e grupo di hóbennan ku tabata bendiendo mariwana na e skina di kaya.
Sam Taylor a splika ku despues ku e kriminalnan a kaba di kometé e krímen aki a nan a bati retirada.
Un total di 10 hóben di entre 13 pa 17 aña a keda transportá pa hospital na Lakeland.
Sam Taylor a splika ku dos di e víktimanan mester a keda transportá ku helikòpter pa Tampa debí ku nan ta den estado kritiko.
Sam Taylor a splika ku ayera tardi nan a logra lokalisá e outo ku e kriminalnan aki a kometé e krímen pero te ainda no a arestá ningun hende.
Lokual si tin informashon ta ku algun di e víktimanan a konfirmá na polis ken ta esnan ku a pasa basha bala.

Continue Reading

International

Gobiernu di Ukrania: Ta prohibí su funshonarionan di rango haltu bai ku vakashon

Published

on

By

Andrey Demchenko bosero di gobiernu Ukraniano..

KIEV – Andrey Demchenko bosero di gobiernu Ukraniano a konfirmá ku Kongreso a firma un resolushon kaminda ta prohibí tur alto funshonario bai ku vakashon den ekstranheria.
E resolushon gubernamental aki a keda aprobá i adaptá pa entrante djabièrnè próksimo ku ta nifiká ku miéntras tantu Ukrania keda invadí i ataka pa Rusia ningun funshonario di entre 18 pa 60 aña tantu hòmber komo muhé por bandoná pais.
E motibu ta debí ku esnan ku a bai ku vakashon pa paisnan den Union Europeo of Merka ningun a bolbe bek.
Andrey Demchenko a splika ku tin mas ku 2 mion Ukraniano a bandoná e lucha i ku awor ku Rusia a bolbe intensiva nan atakenan mester a adaptá e resolushon.
E úniko manera ku un funshonario di rango haltu por bai di vakashon ta si nan mester bai bishita nan yunan of pa asuntu médiko.
E kontrol lo bai keda bon kontrolá tantu na frontera komo na aeropuertonan na Ukrania.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login