Deporte
Sedney, “Jacky” Jakoba, tabatin un talento inkreibel….
Sedney, “Jacky” Jakoba tabatin un talento inkreibel pa hunga baseball. I tabata un legítimo “Five Tool Player” .
El a debutá den baseball doble A ku 17 Aña i kla ta den nos memoria su homerun den promé turno den doble A ku Sta. Maria Pirates.
5 Star sa tambe ku e tim di New York Yankees tabatin interes den firma Sedney Jakoba, pero no tabata e tempu di awor, i nan ta bisa ku ruman mayó ku ta Wenny a oponé e firma.
“Jacky” su karera impreshonante a kontinuá na Ulanda kaminda te ku dia di awe tin e rekòrt di homerun den un temporada den baseball Ulandes.
E la bati 24 homerun den un temporada.
E la hunga 84 wega pa e selekshon di baseball Ulandes i bira kampeon di Europa na 2 okashon ku nan.
Tambe e talentoso mucha di Sta. Maria a hunga pa Ulanda den Olimpiada di 1988.
Tambe e la hunga den vários kampeonato mundial ku Ulanda. I despues e la hunga tambe softball fastpitch. Sr. Kenneth Gijsbertha a konfirmá pa deporte 5 Star ku Jacky Jakoba tambe a bira kampeon di Kòrsou hungando bou di dje den e tim di Alpha/Zelbo.
E la hunga primera/base. Kenneth ku tambe ta mucha di Sta. Maria a bisa nos ku “Jacky” por a hunga tur 9 posishon den baseball i bati ku poder.
Deporte 5 Star ta manda palabra di kondolensia pa famia Jakoba, i mundu di baseball ku e pèrdida grandi aki.
“Jacky” Jakoba, tambe konosí komo “Jackpot” tabata un persona hopi kariñoso ku semper tabata alegre i ku amistat ku tur hende. “Jacky” sosegá na Pas…
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
