Connect with us

International

Ruman hòmber di Rafael Ramírez detené pa korupshon

Published

on

Fidel i Rafael Ramírez.

CARACAS – Fidel Ramírez ruman hòmber di Rafael Ramírez a keda arestá despues di no a presentá na korte pa atendé ku su tèrmino di pago di fiansa pa su libertat.
Tarek William Saab fiskal General a deklará ayera ku Fidel Ramírez tabata na altura di lokual su ruman Rafael Ramírez tabata hasiendo ku ta malversá miles si miónes di dòler di PDVSA.
Ta p’esei a detené Fidel Ramírez na 2018 i kita su pasaporte ku e no tabata por a sali for di e pais.
Abogado di Fidel Ramírez ta para firme ku su kliente nunka no a traha pa PDVSA i tampoko tabata metí den nada sino elo a bandoná Venezuela meskos ku su ruman Rafael Ramírez for di 2014.
Ministerio Públiko no tabata por a haña ningun prueba ku Fidel Ramírez a kometé ningun froude fiskal pero ta pa yega na Rafael Ramírez ta bolbe arest’é.
Abogado di Fidel Ramírez a finalisá indikando ku su kliente ta un dòkter di renombre ku a yega di atendé ku hasta Hugo Chavez tempu ku e tabata na bida.
Ta p’esei e tin $250 mil depositá na Andora i no ta plaka di malversashon di PDVSA manera fiskal general Tarek William Saab ta pretendé.

Continue Reading

International

Kamala Harris lo asistí na entiero di Tyre Nichols

Published

on

By

Kamala Harris vise presidente di Merka tambe lo ta presente awe na entiero di Tyre Nichols.

MEMPHIS – Awe lo tin entiero di Tyre Nichols kende ta e hòmber afroamerikano ku a keda asesiná ku gòlpi pa 5 agente polisial pretu na Memphis.
Kamala Harris vise presidente di Merka a anunsiá na familiarnan di Tyre Nichols ku elo bai ta presente.
Reverendo Al Sharpton tambe lo ta presente na e entiero di Tyre Nichols pa asina trata na mantené kalma.
Ta spera ku na e entiero aki lo bai tin bastante manifestante teniendo kuenta ku polis ta bolbe kometé un fayo garafal di asesiná un hòmber pretu indefenso.
E biaha aki no ta polis blanku ku ta bati un afroamerikano mata sino 5 agente polisial pretu ku a hinka nan kurpa den bastante problema ku hustisia.
Tyre Nichols a muri den un hospital na Memphis dia 7 di yanüari despues ku agentenan a batié durante mas ku 10 minüt.

 

Continue Reading

International

Tiroteo na Lakeland a laga un saldo di 10 herido di kual 2 ta den estado kritiko

Published

on

By

Sam Taylor hefe di kuerpo polisial na Lakeland

LAKELAND – Sam Taylor hefe di kuerpo polisial na Lakeland a konfirmá ku tin un investigashon andando relashoná ku un kaso di tiroteo na un bario marginá kaminda hóbennan tin kustumber di ta bende mariwana.
Lokual a pasa segun Sam Taylor ta ku un grupo di hóben tabata supuestamente bende mariwana bou di un palu na un konosido bario marginá na Lakeland ku yama Cumberland.
Aparentemente un vehíkulo kolo blou ku 4 persona abordo a pasa basha bala riba e grupo di hóbennan ku tabata bendiendo mariwana na e skina di kaya.
Sam Taylor a splika ku despues ku e kriminalnan a kaba di kometé e krímen aki a nan a bati retirada.
Un total di 10 hóben di entre 13 pa 17 aña a keda transportá pa hospital na Lakeland.
Sam Taylor a splika ku dos di e víktimanan mester a keda transportá ku helikòpter pa Tampa debí ku nan ta den estado kritiko.
Sam Taylor a splika ku ayera tardi nan a logra lokalisá e outo ku e kriminalnan aki a kometé e krímen pero te ainda no a arestá ningun hende.
Lokual si tin informashon ta ku algun di e víktimanan a konfirmá na polis ken ta esnan ku a pasa basha bala.

Continue Reading

International

Gobiernu di Ukrania: Ta prohibí su funshonarionan di rango haltu bai ku vakashon

Published

on

By

Andrey Demchenko bosero di gobiernu Ukraniano..

KIEV – Andrey Demchenko bosero di gobiernu Ukraniano a konfirmá ku Kongreso a firma un resolushon kaminda ta prohibí tur alto funshonario bai ku vakashon den ekstranheria.
E resolushon gubernamental aki a keda aprobá i adaptá pa entrante djabièrnè próksimo ku ta nifiká ku miéntras tantu Ukrania keda invadí i ataka pa Rusia ningun funshonario di entre 18 pa 60 aña tantu hòmber komo muhé por bandoná pais.
E motibu ta debí ku esnan ku a bai ku vakashon pa paisnan den Union Europeo of Merka ningun a bolbe bek.
Andrey Demchenko a splika ku tin mas ku 2 mion Ukraniano a bandoná e lucha i ku awor ku Rusia a bolbe intensiva nan atakenan mester a adaptá e resolushon.
E úniko manera ku un funshonario di rango haltu por bai di vakashon ta si nan mester bai bishita nan yunan of pa asuntu médiko.
E kontrol lo bai keda bon kontrolá tantu na frontera komo na aeropuertonan na Ukrania.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login