Deporte
Royal Scorpions-CPS ta presenta kara nan nobo den nan organisashon
WILLEMSTAD – Manera ya ta konosí pa hopi kaba for aña pasa Royal Scorpions-CPS, a bin ta hasi algun kambio strategikamente den nan direktiva, poniendo algun kara nobo pa asina sigui engrandese nos beisbòl lokal.
E aña aki no lo ta diferente Royal Scorpions-CPS ta sigui move i sigui trese kambio nan den nos mundu di beisbòl pa aportá na e kresementu aki.
Netamente pa esaki wikènt tras di lomba Royal Scorpions-CPS a firma su GM i asistente di GM pa reforsá nan tin team i sigui move den e direkshon ku nan ke yega.
Komo GM nan a firma Shedion Lacrus i komo Asistente di GM nan a firma Rylandrew Schoop. Sigur pa nos siguidó nan di beisbòl niun di e dos nòmber nan ni kara nan aki no ta deskonosí.
Royal Scorpions-CPS sigur ta hopi kontentu di por konta ku e dos hóben dinámiko nan aki, ku sin duda nan tambe tin nos beisbòl lokal na kurason.
Mes ora e hóben nan aki a kuminsá move i hasi kontakto i tambe firma algun hungadó nobo pa Royal Scorpions CPS.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
