Deporte
Riba un solo dia: Kuater atrako riba kuater 7-Eleven na California a laga dos morto i tres herido
CAIFORNIA – Ryan Railsback bosero di kuerpo polisial na California a konfirmá ayera tabatin kuater atrako brutal den apénas algun ora a tuma luga riba kuater Convenience Store ku yama 7-Eleven.
Ryan Railsback a indika ku e tiendanan 7-Eleven ku a keda atraká no tabata keda muchu leu for di otro pero konsekuensia di atrakonan tabata devastador.
Tin indikashon ku un atrakador lo a kore pasa na e Convenience Store nan di 7-Eleven na Riverside, Santa Ana, Brea i La Habra ku kara tapa i ku armanan di asalto.
E atrakador ta kana drenta den e tiendanan ta tira i ta p’esei a mata dos empleado i herida tres kliente durante e atrako.
Ryan Railsback a informá ku e modus operandi aki ta demostrá ku ta mesun atrakadó a kometé e kuater atrakonan i ku tin pista kaba ta ken e ta i ku pronto hustisia lo atendé kuné.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
