Lokal
Reunion di PNP den WTC no a resolve nada ayera
WILLEMSTAD. Ayera WTC tabata bèrdé pero un bèrdè na kandela.
Partido Nashonal a reuni riba komportashon i aktitut di parlamentarionan Sheldry Osepa i Gwendel Mercelina.
Esei pasobra e 2 parlamentarionan aki a bin den publisidat riba sosialmedia ku palabranan insolente kontra di Kas di Korsou, spesifiko e minister plenipotensario pa partido MFK Carls Manuel.
I tambe tin un situashon ku den grupo di partido Nashonal, Osepa a indika ku tin di kita kolaborador R. De Windt for di trabou.
De Windt ta traha pa lider i alabes minister di partido Nashonal Rutmilda Larmonie Cecilia. E kasá di De Windt a tuma nota di e nitifikashon den e app group di Nashonal i esaki a bira un problema ku e bon trahadó i ekselente hurista di WJZ, R. De Windt a indika na su Minister ku e no ta interesa pa traha mas pa frakshon dje partido.
Ayera Osepa a pidi masha despensa pa esaki i tambe Osepa a pidi pa partido manda un komunikado pa bisa ku no ke saka Osepa i Mercelina for di partido i ku tur kos ta ‘koek en ei’.
Osepa i Mercelina a pidi ‘media stilte’, silensio riba e tema pero Mercelina na su turno a bisa ku e no ta bai stop paso e sa hopi kos.
I Mercelina a bisa ku su tata ta esun ku ta informé tur kos di tur hende. Akinan Lider di partido Nashonal Larmonie Cecilia su liderasgo a laga di desea debi ku mester a indika na Mercelina ku den partido Nashonal su tata NO ta disidi kiko ta pasa. Tambe a bini dilanti den e reunion e preokupashon ta ken ta esun ku ta informa Richaron Balentien di R&B NEWS di tur e detayenan aki.
Balentien a splika ku enbes di preokupa ku esei, mihó preokupa ku e malkontentu den partido Nashonal riba e komportashon INASEPTABEL di Osepa i Mercelina.
E reunion a kuminsa 4or i tabata plania pa 5’or pero ela dura te 6′ or.
Tambe e prominente politiko Faroe Metry a indika ku den su 43 aña den politika ku ela kuminsa den su hubentut den partido Democraat i despues partido Nashonal, NUNKA den su bida ela eksperensia algu asina aki.
Ademas ku Mercelina a indika ku partido mester wak ken ta esnan ku partido ta pone riba lista debi ku nan mester tin papel.
Metry ta desepshona den e hoben politikonan aki. Osepa a bisa ku de no tin ningun problema ku partido MFK pero a ranka orea di Osepa i a bise ku e MFK ku tin awor aki ta un generashon nobo i no ta e MFK di Gerrit Schotte pero ta MFK di Gilmar Pisas. Pues awor aki a keda ku ta bai saka un komunikado pa indika ku tur kos ta bon entre Osepa Mercelina i partido Nashonal.
Tambe Osepa a bisa ku e ta bai tin un silensio mediatiko riba esaki ounke Mercelina a bisa ku e si ta sigui. Richeron Balentien ta bisa ku no ta importante ken tin papel si of no ora tin di subi lista pero mester wak ken nan kurason ta koló BÈRDÈ pero di BÈRDÈ BÈRDÈ mes.
E novela aki ta kontinua…..
(R&B NEWS Niet Te stoppennnn)
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
