Deporte
Resumen di nos futbolistanan den eksterior: Anita ku Gol i “Man of The Match”…
Kevin Felida a hasi su debut den Eredivisie den e viktoria di 5-2 di su ekipo di RKC Waalwijk riba Excelsior.
Esaki ora el a subi pa e último 7 minüt di wega pa RKC Waalwijk.
Esaki despues ku mediokampista a hunga último 5 temporada pa Den Bosch den di dos divishon.
Felida a remplasa Vurnon Anita ku a anotá su promé gol di temporada pa RKC .
Mientras ku Jurrien Gaari tambe tabata titular tambe pa RKC i a hunga 55 minut di wega.
Pa Excelsior Nathangelo Markelo tabata banki i no a mira akshon den e wega.
Sobra futbolistanan rais YDK den fin di siman:
Divishon di Honor na Ulanda:
• Jurriën Timber a hunga 79 minüt pa Ajax den nan viktoria di 4-0 riba Cambuur.
• Joshua Brenet a hunga wega kompletu pa Twente den nan viktoria di 2-1 riba PSV. Armando Obispo a hunga wega kompletu pa PSV.
• Shurandy Sambo a hunga wega kompletu pa Sparta Rotterdam den nan viktoria di 4-0 riba Volendam.
• Quinten Timber a hunga wega kompletu pa Feyenoord den nan viktoria di 4-3 riba Go Ahead Eagles.Mimeirhel Benita a hunga kompletu di dos mitar pa Feyenoord. Mientras ku Quilindschy Hartman tambe a mira akshon hungando e último 21 minüt pa Feyenoord.
Pa Go Ahead Jahnoah Markelo a hunga e último 38 minüt di wega.
• Richairo Zvikovic a hunga wega kompletu pa Emmen den nan derota na man di AZ Alkmaar.
Di dos divishon na Ulanda:
• Justin Ogenia a hunga e último 33 minüt pa FC Eindhoven den nan empate na un ku NAC Breda.
• Xander Severina a hunga 73 minüt pa ADO Den Haag den nan derota di 1-0 na man di Willem II.
• Gio Felicia tabata riba banki pero no a mira akshon pa Jong Utrecht den nan derota na man di VVV- Venlo.
• Daijiro Chirino a hunga e último 10 minüt pa PEC Zwolle den nan viktoria di 2-1 riba FC Den Bosch. Chirino tabatin tambe un asistensha den e gol di viktoria.
Super Liga na Turkia:
• Leroy Fer a hunga wega kompletu pa Alanyaspor den nan derota di 2-0 kontra Istanbul Basaksehir.
• Sherel Floranus tabata banki un biaha mas pa Antalyaspor. Floranus su último wega den Super Lig pa Antalyaspor tabata den luna di aprel.
Di dos divishon na Turkia:
• Anthony van den Hurk ku dos gol pa Rizespor den nan viktoria di 4-0 kontra Yeni Malatyaspor.
Tur dos gol tabata di penal.
Premier League:
• Tyrell Malacia un biaha mas tabata titular pa Manchester United.
El a hunga wega kompletu den nan viktoria di 3-1 riba Arsenal. E tabatin un tremendo aktuashon.
Championship(di dos divishon na Inglatera):
• Tahith Chong a hasi su re debut pa Birmingham.
El a hunga 57 minüt di e partido.
Mientras ku Juninho Bacuna a hunga 86 minüt pa Birmingham den nan viktoria riba Preston.
MLS ( maksimo nivel na Estados Unidos):
•Eloy Room a tene su gol limpi un biaha mas pa Columbus Crew.
Esaki tabata su di 10 “ cleansheet” di temporada.
Futbolistanan:
Kevin Felida a hasi su debut den e maksimo nivel na Hulanda
Futbolistanan:Anthony van den Hurk ku 2 gol.
Futbolistanan:
Vurnon Anita ku gol pa RKC I alabes skohe komo mihó hungadó di wega
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
