Deporte
Resultadonan di vòlibòl klase Superior
WILLEMSTAD (C) – Djadumingu 27 novèmber tabata un otro anochi pa weganan di vòli e promé wega di klase superior femenina a bai entre Shuatanari i Hurricane.
Un biaha mas a mira kon e ekipo di Shuatanari ta bolbe gana I e bia aki ta pasa fásil riba Hurricane 3-0 parsialnan 25-10; 25-12 i 25-17.
Despues ta tin e di 2 wega femenina kual a bai entre Jumping Jewels i Stakamahakchi
Tabata un wega kaminda tur dos ekipo a bataya formal ku otro i e wega a bai 5 set kompletu.
Ounke Stakamahakchi a lucha hopi tòg nan a kai vensí 3-2 ku parsialnan 25-15; 25-12; 22-25; 21-25 i 15-8.
Pa loke ta trata den e sekshon maskulino e ekipo di Xaverianen sin masha problema a gana di Wishi Tigers 3-0 ku parsialnan 25-20; 25-15 i 25-18.
Den e último wega di maskulino a bai entre Titus i Watakeli.
Watakeli a gana e wega 3-0. 25-17; 25-18. E di tres set Watakeli a kere ku kos lo a bai fásil.
Ounke Titus a duna Watakeli poko dolor di kabes e set a sali 26-24 na fabor di Watakeli.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
