Deporte
Resultado straight pool
WILLEMSTAD- E penultimo evento balido pa ranking ofishal di Federashon Biyar Korsou a tuma lugar wikent ultimo.
Dianan 26 y 27 Febiko a organisa e disiplina di straight pool , ku a konta ku partisipashon di 20 biyardista.
E evento a konta ku patrosinio di Montana Bierhuis y House of Billiard Play.
Den e promé partido di semifinal den buelta di ganador Fauzy Halabi ta gana Shamir Tremus 75 pa 37 .
Den buelta di perdedor Gemajel Rol ta vense Hugo Limon 75 pa 51 y despues e ta topa Shamir den semifinal .
Pero Tremus a bin duru y ta gana 75 pa 15.
Den e partido final kontra Halabi , Shamir a duna muestra ku e ta domina e disiplina y ta sali dilanti y keda dilanti.
E skor final 100 pa 55 .
Resultado final ta , empata na puesto 5 Sybren Boekhoudt y Jeffrey Nieuwenhuijzen , puesto 4 Hugo Limon , 3 Gemajel Rol , supkampion Fauzy Halabi y kampion Shamir Tremus .
Pa wikent benidero dianan 2 ,3 y 4 den Landhuis Granbeeuw lo tin e famoso Schotborgh Cup entre e selekshonadonan pa e evento entre Boneiru y Korsou .
Un y tur ta bonbini.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
