WILLEMSTAD (C) – Ayera tardi durante di un rueda di prensa di FFK a presentá e tékniko nobo pa nos selekshon.
Un persona ku no ta deskonosí pa nos aki na Kòrsou ya ku anteriormente e ta nos tékniko kaba
Remco Bicentini mes ta basta kontentu i optimista I ku gran deseo pa bolbe kuminsá traha ku nos selekshon. Tambe ela duna di konosé ku e reakshonnan ku ela risibí ta indika ku e pueblo I hopi hende ta kontentu ku su regreso
Ta esaki a pone tambe ku mi a regresá paso mi kurason ta bati pa Kòrsou. Segun Remco ela disidí di skohe pa Kòrsou I for di awor mes I no ta bai Mundial ku ta kuminsá aki dos luna na Qatar.
E motibu ku ela skohe mesora pa kuminsá traha pa Kòrsou ta debí ku e ta kere ku no ta étika pa bai mundial ku Canada I pa djis den mart 2023 e tin di enfrentá nan den e wega kontra di Kòrsou.
Segun mi hopi otro lo a skohe pa bai mundial debí ku esaki ta algu ku ta bai den bo CV pa despues por yuda pa risibí trabou serka otro ekiponan I selekshonnan. Segun Remco trabou ta bai kuminsá mesora I lo tin di buska algun hungadó nobo kombiná ku esnan ku tei kaba .Paso ela sigi desaroyo di nos selekshon.
E sa ku no por tin mas hungadó nobo so. Tambe e ta traha tambe riba su asistentenan tambe pa e selekshon.
Riba asuntu di pago esei ningun hende no a reakshoná I lo ke papia riba e asuntu aki.
Pa nos interesante pa sa esaki paso tur hende sa ku situashon finansiero di FFK no ta kos di kanta makamba.Pero NOBO ke deseá Remco Bicentini tur klase di éksito I nos sa ku elo por hasi un bon trabou ku nos selekshon ya ku e konosé e kultura tambe bon