Lokal
Psikiatra a dùmp pashènt 3 siman bai lagé muri!
….e pashènt sikiátriko di 43 aña di edat a muri despues di tabata den ensiero solitario na Mental Health Foundation di Sint Maarten a muri kruelmente bandoná den un sel di isolashon.
E señora mester a muri un morto horibel den e sèl despues ku Jacqueline Hooftman a raportá e kaso na nomber di su mama i su ruman difuntu Caulette Julien (43) i hasi un suplika na e komishon disiplinario pa kita lisensia di dr. Kitty Pelswijk pa praktiká medisina i e komishon a konfirma ku nan a risibi e petishon.
Dr. Pelswijk tabata responsabel pa e trato mediko di Julien kende tabata un pashènt bi-polar Julien kende a muri un morto no natural dia 25 i ougustus 2020 den e sala di isolashon di Mental Health Foundation na Cay Hill.
Julien tabatin tres siman den isolashon ora personal enfermera a hañ’é na suela ku un leshon na su kabes i e no tabata reakshon mas.
Basá riba e grabashon di video dje insidente, èks Inspektor General Dr. Earl Best a yega na su konklushon despues ku tantu personal di siguridat i enfermeranan a reakshoná lat i inkorektamente ora nan a apliká resusitashon kardiovaskular.
Segundo eror ta ku dr. Pelswijk a faya di raportá morto di su pashènt na Inspekshon di Salubridat manera ta ta lei for di 2018 i no a avisá e patólogo Dr. Michael Mercuur i violando otro regla e mes a firma e sertifikado di defunshon.
Despues di morto di un pashènt mester firma sertifikado ku ta dokumentonan ofisial ku ta permiti pa kima of dera e difuntu.
Ta e patólogo so ta outorisa e dokumentonan aki.
Dokter dje pashènt no tin outoridat pa yena e formulario.
Dr. Mercuur i Dr. Pelswijk, tabata konose otro bon i e tabatin outoridat ku un sikiater mester pa poné bou di opservashon pa mas ku 24 ora.
Sr. Mercuur tabata outorisá pa firma dokument ku un sikiater mester den 24 ora, e asina “verklaring van krankzinnigheid”.
Mester di e dokumento aki tambe ora ta usa pa pashèntnan ku komportashon di desòrdu mental severo.
E difuntu mes a kuminsa nota ku su komportashon tabata desviante i a buska tratamentu ¡ profeshonal pa kontrolá su bida.
Dia ela ripara ela buska asistensia ku ora e tabata sinti malu tabata bai buska yudansa.
E klinika tin dos sèl di isolashon i no tabata laga su famia papia kune durante tres siman pero abogado Geert Hatzmann ku a asisti e famia a traha un karta di 69 punto di reklamo.
Awor lo forma un komishon mediko enkabesa pa dos dokter i un wes i manera ta parse ya nan tin sinku akusashon kontra e dokter.
Loke a pasa den e kaso aki ta ku dr. Pelswijk a tuma su tempu ku e pashènt te ku tabata lat.
Por sierto ku e dokter aki a presta pa sera un pashènt surinameño pa tres luna den sèl di isolashon sin buska drecha si e tin progreso i tabata laga pa vigilantenan atende ku e pashènt.
Pa kompletá obra e dokter mes a bai den isolashon ku COVID.
Pero loke ta pió ainda ku esaki no tabata un paso en falsu dje dokter pero mas bien un kustumber i ku e kier a tapa su erornan.
E no tin outoridat pa firma un sertifikado di defunshon i a hasié tóg korumpiendo henter e kaso.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
