Deporte
Preselekshon pa Virgin Islands a reuní ayera: 3 hungadó a “Zeg-Af” i algun no a bakuná… …Ciroendra, “Pop” Peloz no ta konvoka…
Nos selekshon di sòftbòl femenino fastpitch ku lo partisipá na e eliminatorio pa yega CAC di El Salvador otro aña a reuní ayera nochi ku e kuerpo tékniko i tambe e General Manager di e selekshon ku ta Ingeniero Sr. Lennert Angela.
5 Star ku ta kaminda kurason di deporte ta sigui bati tur atardi ya pa mas ku 43 aña naturalmente siendo un hende di sòftbòl a haña algun informashon valioso…
….3 Sòftbolista A “Zeg-Af”…
Tin 3 sòftbolista ku a informá ku nan lo no por aseptá e kompromiso pa Virgin Islands, e hungadónan aki ta: Kimmy Agard di Pichingolo Nissan ku ainda tin e asuntu di leshon na su pia ku e la sufri ora e la dal den e betòn dje backstop di parke Sam Buntin.
Tambe Tanisha Gil ku ta hunga sòftbòl i studia na Estádos Unídos. Ashanty Alexandre. Ambos ta hunga den e tim di Souax/Gil’Sports.
…Algun Sòftbolista
ku No A Bakuná…
Informashon ku deporte 5 Star tin tambe, ta mustra ku tin algun softbolista ku a wordu konvoka pa e pre/selekshon pero ku no a bakuná.
E delegashon lo tin di bula via Estados Unidos kaminda ta eksigi prueba di bakunashon.
Kuantu hungado si Five Star no ta na altura di dje.
…Ciroendra, “Pop” Peloz
No Ta Konvoka…
Tambe nos a tuma nota ku e sòftbolista di Pichingolo Nissan ku ta Ciroendra, “Pop” Peloz no ta entre esnan konvoka, si e la wòrdu yamá pa e manager anterior Yureti Weert-Poulo.
Ciroendra tabatin un ekselente temporada ku e tim di Pichingolo/Nissan kampeon di Kòrsou pa di 4 temporada konsekutivo. Ta un sòftbolista ku por bati pa poder, i ku por hunga: catcher, primera i tambe si mester defendé na segunda/base.
5 Star ta konvensí ku e forma ku Ciroendra a hunga e meresé un oportunidat huntu di haña un konvokashon.
…Refuerso For
di Ulanda…
Five Star a komprondé ku fuera di e pitcher Ulandes ku ta Richelle Van Gennip, tambe lo tin otro softbolista for di Ulanda den tapara, ku lo por ta un pitcher. 16 sòftbolista lo por bai e kompetensia.
… Esnan Konvoka…..
Esnan konvoka ta: J’Dah Girigorie, Richelle Van Gennip, un posibel pitcher ulandes. Sovienca “Nunu” Calmera, Dyante Gibbes, Kimbery Agard, Suheydi Faneyt, Joanni Benita, Joanna Benita, Tanisha Gil, Ashanty Alexandre, Arjenette Wernet-Bernardus, Thaima Maximiliana, Julisse Koffy, Anais Piar, Jandely Ricardo, Deidra da Costa Gomez, Genevieve, “Pipi” Hariquez i Shurvienska Wawoe.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
