Deporte
“Pober Ramiro”…
Ayera 5 Star a kombersá ku un hende hopi serka, kende a bisa nos ku e tin hopi rèspèt pa e flamante presidente di Federashon di Futbòl di Kòrsou.
E ta haña ku e ta hasiendo te awor tremendo trabou.
Sinembargo Sr. Ramiro Griffith a bin “hereda” un kantidat di fayo kometé prinsipalmente pa un dirigente ku ainda ta den federashon.
FFK tin vários batata’kayente pa resolvé ku no ta falta di Ramiro, sino mas bien problemanan ku e la heredá.
Tin algun situashon ferfelu, kasonan di: Tino Chance, Riki Rojer i tambe di Hassnah.
E situashon ta leu for di fásil.
Ta manera “Grandinan” lo bisa,”Pober Ramiro”…
E la hinka su kurpa den un kos ferfelu, i tin di trata di resolvé “barku ku a wòrdu pega” promé ku e la bin.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
