Connect with us

International

Pasahero sin eksperensia: A logra aterisá un avioneta na aeropuerto di West Palm Beach

Published

on

Na momentu ku e pasahero tabata aterisando e avioneta na aeropuerto Internashonal di West Palm Beach.

WEST PALM BEACH – Un pasahero sin ningun klase di eksperensia den bula avioneta a hañe ta remplasá un piloto ku a sufri di ataka di kurason durante pleno buelo.
E pasahero ku yudansa di Toren di Kontrol di aeropuerto Internashonal di West Palm Beach a logra aterisá e avioneta model Cessna 208 di un solo motor ku éksito.
E pasahero a informá toren di kontrol ku e piloto a desmayá i ku no tabatin otro alternativa pa skapa su bida ku e mes mester a aterisá e avioneta.
E parti positivo di e asuntu aki ta ku e pasahero a logra aterisá e avioneta manera un profeshonal.
Manera e avioneta a stashoná riba pista di aterisahe tabatin paramedikonan i bomberonan pa atendé ku e situashon.
Mesora a transportá e piloto pa un hospital na West Palm Beach den estado kritiko i e pasahero tabata kontentu ku ela logra skapa su bida.

 

International

Kastigu di bida largu pa sòldá Ruso ku a kometé krímen di gera na Ukrania

Published

on

By

Vadim Shishimarin…..

KIEV – Vadim Shishimarin (21) a bira e promé sòldá Ruso ku a keda husga ayera den korte di hustisia na Kiev pa asesinato di un hòmber di 61 aña di edat.
E krímen aki a keda kometé dia 28 di febrüari kuater dia despues ku Rusia a invadí Ukrania.
Testigunan ku a wak Kiko a pasa a testiguá den sala di korte na Kiev pa indika ku Vadim Shishimarin lo a tira e víktima nèt na momento ku e tabata na telefon.
Vadim Shishimarin a tira e víktima ku su arma di asalto den kabes sin ningun motibu na e region di Sumy.
Lokual ta inkriminá Vadim Shishimarin mas den e kaso aki ta ku su kolega militar a graba tur lokual ela hasi ku su telefon selular.
Algun ora despues militarnan di Ukrania a detené Vadim Shishimarin i ku ayera despues di algun luna ela keda detené na kastigu di bida largu.

Continue Reading

International

Na Iran: Avion di kombate a aksidenta lagando un saldo di dos morto

Published

on

By

Esaki ta un model similar di Chengdu J-7 di Forsa Aéreo Iraní ku a kai ayera na Isfahan…

TEHERAN – Mohammad-Reza Jannessari gobernador na Isfahan a konfirmá ku tabatin un avion di Forsa aéreo Iraní a bin dal den un edifisio ayera durante dia.
Lokual a pasa ta ku dos piloto den un avion di kombate model Chengdu J-7 a lanta buelo na base na Isfahan riba un mishon di ehersisio di entrenamentu na e region.
Algu a bai kompletamente robes ku e avion di kombate ku a bai dal den un edifisio bandoná na Isfahan algun ratu despues di lanta buelo.
Gobernador Mohammad-Reza Jannessari a splika ku e parti trágiko di e asuntu aki ta ku dos piloto di forsa aéreo Iraní a fayesé. Pa lokual ta e aña aki kaba esaki ta bira e di tres avion di kombate di Forsa aéreo Iraní ku ta kai pa fayonan tékniko.
Forsa aéreo Iraní ta konta ku un total di 300 avion di kombate entre nan (MiG-29 i Su-25) kumpra na Rusia, (F-7) China, (F-4, F-5 i F-14) Merka, (Mirage F1) Fransia i algun “Saeqeh” ku a keda fábrika na Iran mes.
Gran parti di e avionnan aki falta mantenshon debí ku Merka a pone asina tantu sanshon kontra Iran ku nan no por kumpra piesa.

 

Continue Reading

International

Biden ta sklama: Pa tin restrikshon pa arma despues di e masakre na skol na Texas

Published

on

By

Presidente Joe Biden ku petishon pa para ku benta di arma ku ta matando muchanan na skol…..

WASHINGTON – Joe Biden a hasi un yamada dramátiko na legisladornan i gobernadornan di tur estado pa kuminsá ku restrikshon riba uso di arma na Merka na nivel nashonal.
Ta promé biaha ku un presidente di Merka ta Sali bisa algu asin’aki debí ku ta trata aki di un tema delikado kaminda patrosinadònan di partidonan ta hasi negoshi di arma di kandela.
Joe Biden a bisa ku pa tantísimo biaha tipo di kasonan asin’aki ta tuma luga na Merka kaminda hende ku nan kabes no ta bon ta kana drenta den un tienda ku ta bende arma kandela sin ningun problema.
E biaha aki ta trata di un hòmber (18) ku a kumpra dos rifel di asalto sin ningun problema i awe famianan na Texas ta di luto kaminda 19 studiante i dos hende mayor di edat ta pèrdè nan bida.
Den e kaso aki aparentemente Joe Biden ta hasi un petishon na Senadornan i Kongresistanan pa kambia leinan den e pais pa tin mas kontrol riba benta di arma.

 

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login