Deporte
Parse ku: FDOK a haña ordu pa kubri “Tíketnan”.. …Di Softball pa Virgin Islands…
Informashon ku deporte 5 Star tin, ta mustra ku FDOK lo mester a haña òrdu djariba pa nan kubri e “tíketnan” di e selekshon di softball femenino fastpitch ku lo tin di hunga na Virgin Islands buskando klasifikashon pa Juegos Centro Amerikano y del Caribe na El Salvador.
FDOK ta responsabel pa e selekshon ya ku Juegos ta kai bou di nan.
Na Virgin Islands Kòrsou tin bon chèns pa klasifiká pa El Salvador, ounke ta un Pais so ta klasifiká, e ganadó apsoluto.
5 Star a kombersá ku e máksimo dirigente di nos softball ku ta Sr. Eduard Martis ku tabatin su preokupashon pa loke ta pago dje “tíketnan” pa bai Virgin Islands na tempu ya ku bulando e fecha límite lo tin di paga mas plaka.
Si nos informashon ta korekto òrdu lo mester a bai pa FDOK pa kubri e gastunan di pasashi pa Virgin Islands.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
