Deporte
Parse ku e no a aseptá dirigí wega di Liga Pabou: Rigobert, “Lolipop” Obispo den situashon ferfelu…
Sr. Rigobert, “Lolipop” Obispo ku ta na Williamsport komo Umpire den representashon di nos Little League ta den un situashon ferfelu. Manera ta konosí e la dirigí wega di Liga Pabou i tabata den algun “call” pèrta, e hecho ku a kambia algun di su “callnan” a pone ku Rigobert a haña masha hopi insulto den su direkshon.
Mayoria di hende serka di dje, manera su famia i amigunan no ta deseá pa e umpaya wega di Liga Pabou (Kòrsou) pa evitá problema.
Obispo a haña su skema i a wòrdu pone na tersera/base pa e wega di awe di Liga Pabou vs Mexico.
E la ninga, i ta parse ku nan lo no lague umpaya mas den e torneo.
Un situashon ferfelu ku tin e hòmber humilde aki hopi “down” naturalmente.
Ku tur rèspèt e asuntu di Little League aki a bira poko dimas. Ganamentu a daña e espíritu original dje idea bunita aki di prinsipio, sòri !!
(Berguensa !!)
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
