Deporte
Parse ku: “Café” ta “Des Duivels”… No ta e’so a yuda “Horka” Victory Boys !!
5 Star ta keda un korant kubo tin di buska pabo ta altanto dje kosnan kayente di deporte.
No ta kos di ayera, pero un tradishon di hopi aña ku mainta ta kumpra korant lesa, pero atardi ta “disfrutá” dje folklor di nos deporte.
5 Star a komprondé ku Sr. Stanley “Café” ta “des duivels”.
E no ta bai ofisina di FFK mas parse, i ta basta rabia. Ta manera amigu Julius Koko a bisa na Radio e no tin konfiansa mas den e direktiva aktual presidí pa Sr. Ramiro Griffith. Stanley Coffie ke ta bon kla pa tur hende komprondé ku e no ta aseptá hamas ku ta pa su motibu Victory Boys ta den e situashon ku e ta aktualmente.
E krus ei ta demasiado pisá pa e “Guru” di futbòl lokal karga.
Ta un hecho ku hopi biaha sa tin krítika riba Stanley Coffie, pero amigu i enemigu mester rekonosé ku e ta tremendo trahadó si.
Tin biaha su forma di traha sa trese reakshon, pero ku e ta trahadó si, niun hende no por ninga.
Ta manera un hende a yega di bisa, E ta 24/7 den ofisina di FFK. E la sigurá ku e ta kla ku FFK….
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
