Connect with us

International

Pa apoyo na protesta na 2019: Agentenan federal na Hong Kong a detené kardinal katóliko Joseph Zen

Published

on

Kardinal katóliko Joseph Zen (90) a keda detené.

HONG KONG – Ta trata aki di algu insolito kaminda agentenan federal na Hong Kong a detené un kardinal katóliko ku yama Joseph Zen di 90 aña di edat.
E motibu dikon outoridatnan na Hong Kong a detené kardinal Joseph Zen ta debí ku na aña 2019 ela apoya un grupo di hende ku tabata protesta na fabor di demokrasia.
Joseph Zen tabata obispu di Hong Kong te na 2006 i despues a keda nombra kardinal pa tres aña.
Outoridatnan ta akusá kardinal Joseph Zen di tabatin un papel importante den e protesta i ku awor numa ta arest’é.
Huntu ku Joseph Zen outoridatnan a detené e artista Canadiense-Hongkones Denise Ho, abogado Margaret Ng i eks legislador Cyd Ho.
Tur e kuater hendenan aki ta keda akusá di traidor di patria i ku lo por haña bastante aña di kastigu di prizon si nan keda kondena.
Lokual a pasa aki a pone ku Papa Fransisco a tuma kontakto di inmediato ku presidente Xi Jinping pa wak si por liberá kardinal Joseph Zen.

 

 

Continue Reading

International

Kastigu di bida largu pa sòldá Ruso ku a kometé krímen di gera na Ukrania

Published

on

By

Vadim Shishimarin…..

KIEV – Vadim Shishimarin (21) a bira e promé sòldá Ruso ku a keda husga ayera den korte di hustisia na Kiev pa asesinato di un hòmber di 61 aña di edat.
E krímen aki a keda kometé dia 28 di febrüari kuater dia despues ku Rusia a invadí Ukrania.
Testigunan ku a wak Kiko a pasa a testiguá den sala di korte na Kiev pa indika ku Vadim Shishimarin lo a tira e víktima nèt na momento ku e tabata na telefon.
Vadim Shishimarin a tira e víktima ku su arma di asalto den kabes sin ningun motibu na e region di Sumy.
Lokual ta inkriminá Vadim Shishimarin mas den e kaso aki ta ku su kolega militar a graba tur lokual ela hasi ku su telefon selular.
Algun ora despues militarnan di Ukrania a detené Vadim Shishimarin i ku ayera despues di algun luna ela keda detené na kastigu di bida largu.

Continue Reading

International

Na Iran: Avion di kombate a aksidenta lagando un saldo di dos morto

Published

on

By

Esaki ta un model similar di Chengdu J-7 di Forsa Aéreo Iraní ku a kai ayera na Isfahan…

TEHERAN – Mohammad-Reza Jannessari gobernador na Isfahan a konfirmá ku tabatin un avion di Forsa aéreo Iraní a bin dal den un edifisio ayera durante dia.
Lokual a pasa ta ku dos piloto den un avion di kombate model Chengdu J-7 a lanta buelo na base na Isfahan riba un mishon di ehersisio di entrenamentu na e region.
Algu a bai kompletamente robes ku e avion di kombate ku a bai dal den un edifisio bandoná na Isfahan algun ratu despues di lanta buelo.
Gobernador Mohammad-Reza Jannessari a splika ku e parti trágiko di e asuntu aki ta ku dos piloto di forsa aéreo Iraní a fayesé. Pa lokual ta e aña aki kaba esaki ta bira e di tres avion di kombate di Forsa aéreo Iraní ku ta kai pa fayonan tékniko.
Forsa aéreo Iraní ta konta ku un total di 300 avion di kombate entre nan (MiG-29 i Su-25) kumpra na Rusia, (F-7) China, (F-4, F-5 i F-14) Merka, (Mirage F1) Fransia i algun “Saeqeh” ku a keda fábrika na Iran mes.
Gran parti di e avionnan aki falta mantenshon debí ku Merka a pone asina tantu sanshon kontra Iran ku nan no por kumpra piesa.

 

Continue Reading

International

Biden ta sklama: Pa tin restrikshon pa arma despues di e masakre na skol na Texas

Published

on

By

Presidente Joe Biden ku petishon pa para ku benta di arma ku ta matando muchanan na skol…..

WASHINGTON – Joe Biden a hasi un yamada dramátiko na legisladornan i gobernadornan di tur estado pa kuminsá ku restrikshon riba uso di arma na Merka na nivel nashonal.
Ta promé biaha ku un presidente di Merka ta Sali bisa algu asin’aki debí ku ta trata aki di un tema delikado kaminda patrosinadònan di partidonan ta hasi negoshi di arma di kandela.
Joe Biden a bisa ku pa tantísimo biaha tipo di kasonan asin’aki ta tuma luga na Merka kaminda hende ku nan kabes no ta bon ta kana drenta den un tienda ku ta bende arma kandela sin ningun problema.
E biaha aki ta trata di un hòmber (18) ku a kumpra dos rifel di asalto sin ningun problema i awe famianan na Texas ta di luto kaminda 19 studiante i dos hende mayor di edat ta pèrdè nan bida.
Den e kaso aki aparentemente Joe Biden ta hasi un petishon na Senadornan i Kongresistanan pa kambia leinan den e pais pa tin mas kontrol riba benta di arma.

 

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login