E estrea YDK di Bravos di Atlanta ku ta Ozzie Albies ku a kaba di regresá di un fraktura na su pia, i tabata hungando ku hopi energia i amor manera semper e la hasi a leshoná su “pink” di djasabra den “sliding” i lo ta afó pa tempu indefiní. Albies tabata na primera/base, i e la trata di yega segunda riba un fly pa outfield.

Su dede chikí a dal den pia e segunda/base di Filis ku ta Jean Segura, i konsekuetemente kibra.

Ozzie a baha for di tereno i bandoná e wega.

E lo no por hunga pa loke ta sobra di kampeonato regular.

Tin un chèns chikí ku si Bravos yega leu den post-season ku e lo por ta bek.

Manager di Bravos di Atlanta ku ta Brian Snitker a bisa ku su kurason ta kibrá pa Ozzie.
“E tabata bek disfrutando bek di e wega.
E kos aki ta hopi duru”, asina e manager di Bravos di Atlanta a deklará.

Vários pelotero i Grandes Ligas a reakshoná riba e fraktura di Ozzie Albies lamentando loke a sosodé ku e pelotero YDK. Un di nan sigur ta Francisco Lindor ku ta estrea di New York Mets.

Vaughn Grissom lo hunga segunda/base pa Bravos di Atlanta durante ousensia di Ozzie.

Ozzie den 2022 tabatin 8 homerun i 35 empuha, den 2021 e la bati 30 homerun i empuhá 106 kareda.