E tim di Barcelona no ta entrega i nan ke trese Robert Lewandowski pa Xavi.
Xavi su deseo ta pa atkerí e atakante di 33 aña di edat.
E tim Aleman su deseo ta pa haña 60.000.000 euro pa Robert Lewandowski.
Barcelona no ta parse spantá ku e loke ku Bayern Munich ya pidi.

Marc Overmars ku a haña un di dos oportunidat ku e tim di FC Antwerp ta sigui ala karga.
Despues ku nan a reforsá ku Vincent Janssen, Anthony Valencia i Visar Shala, e tim di Marc Overmars a kita e pèrla dje organisashon di Bayern Munich ku ya Christopher Scott.
Scott tin apénas 20 aña di edat i tabata un dje pèrlanan dje organisashon di Bayern Munich.

E promotor di bòkseo Eddie Hearn ta pronostika ku Anthony Joshua lo gana di Oleksandr Usyk pa nòkout promé ku di 9 asalto pasa.
Segun e promotor, Joshua e biaha aki lo bringa otro.
E tin sigur tambe ku Robert Garcia a yuda Joshua hopi.
E dos boksdonan ta bringa e kombate di revancha dia 20 di ougustus na Saudi Arabia. Joshua su rekòrt ta di 24-2, ku 22 nòkout.
Di Usyk ku tin tur e tres fahanan, e rekòrt ta di 19-0, ku 13 triunfo pa via rápido.