Deporte
Oustralia ta eliminá Peru i ta sigi pa mundial
Ayera e dos selekshonnan pues Oustralia i Peru a topa otro kaminda e ganador ta bai partisipá den mundial 2022
Tabata un partido bon bringa ku no a konosé gol ni den tempu reglamentario i tampoko den e tempu èkstra.
Pues e ora ey a bai na tiramentu di pena máksimo.
Oustralia a kuminsá tira i esun ku a bai pa tira e hungadó Martin Boye su pena máksimo a keda taha pa e portero Pedro Gallese.
E entrenadó Oustralia a disidí di trese kambio di portero ora ku e promé pena máksimo pa Peru ta bai tuma luga i ela manda otro portero den gol igual loke a sosodé ku Hulanda na 2014 ora nan a manda Tim Krul bou di lata.
Awèl e portero aki Andrew Redmayne ta hasi yen moveshon i paresé ku esaki a yuda pa deskontrolá e tiradó Luis Advincula.
Ta despues ku Oustralia ta nota i Alex Valera ta tin di bin tira ku e ora ey e portero Andrew Redmayne ta trese salbashon.
E kambio di portero sigur a yuda den esaki , i pone ku Peru ta keda eliminá
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
