Deporte
Ounke no di akuerdo ku The Fighting Team: C.S.B. a hinka “Batata Kayente” den man di arbitrahe… The Fighting Team luchando pa su “Fighter”…
E tim di The Fighting Team presidí pa Sr. Kenneth Pieter ta hasiendo lo máksimo pa por5 konta ku e lansado estrea Libis Hurtado.
Manera ta ampliamente konosí, i por a mira esei riba un video Libis hungando na Colombia despues ku su tim a pèrdè den final a “tackle” un sòftbolista rival.
Federashon di Softbol di Colombia a duna e sòftbolista suspenshon di 1 aña pa e loke ku a sosode.
Sinembargo e pitcher a apelá e suspenshon.
Esei ta nifiká ku mester bini un otro veredikto.
Tambe ta asina ku segun titular di Colombia e sòftbolista lo por hunga den eksterior pendiente e apelashon.
Federashon di Sòftbòl di Kòrsou no ta di akuerdo i a informá The Fighting Team di esei, pero ku nan derecho e tim di Fighting Team ku no ta di akuerdo a apelá serka CSB.
Esei ta nifiká ku Libis ta pendiente di dos apelashon.
E kampeonato lokal di sòftbòl femenino fastpitch ta pendiente pa start djabièrnè awor na Sam Buntin Ballpark.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
