Deporte
Ounke nan ta bisa ku tur e kandidatonan tin nan peso: Glenn Sulvaran ta leve faborito pa bira presidente…
Ounke ku ta rekonosé ku e kandidatonan pa presidente di FFK tur kuater tin nan peso, e pensamentu entre dirigentenan di futbòl ta, ku Mr. Glenn Sulvaran ta leve faborito pa bira presidente nobo di FFK.
Ramiro Griffith, Stanley Coffie, Sr. Carolina i Glenn Sulvaran ta e kuater kandidatonan pa presidensia di e máksimo organismo di nos futbòl.
Tur 4 kandidato tin nan kosnan positivo.
Sinembargo Glenn Sulvaran ta mustra komo posibel ganadó.
Fuera di tin bon preparashon, e tin eksperensia den dirigí, i ta un penshonado loke ta pone ku e tin hopi tempu disponibel pa e traha pa e deporte.
Hendenan serka ta di opinion ku e presidente di FFK mester por ta hopi ratu na ofisina.
Hasta un hende den direktiva a bisa 5 Star ku e presidente mester ta 24/7 ku futbòl, paso den e direktiva mes tin hende ku por trata na bai kontra dje, manera 5 Star a skibi, dirigente “mansaliña”, ku por ta hopi venenoso.
Glenn Sulvaran lo ranka komo faborito pa bira presidente di FFK den elekshon ku ta tuma lugá otro siman.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
