Deporte
Ounke nan no a yega bek huntu: Aplouso grandi pa selekshon di baseball…
Ounke e selekshon di baseball di Kòrsou ku a keda sup kampeon na Haarlem, Ulanda no a yega huntu, pero den diferente buelo ta bale la pena un gran “aplouso” pa nos selekshon di baseball ku bou di maneho di Hainley Statia tabatin un tremendo presentashon.
Kòrsou den un lapso di 3 dia a gana di e representashon di Cuba i esun di Estádos Unídos na dos okashon.
Segun 5 Star nunka Kòrsou den e torneo di Haarlem no a hunga final.
Pa nos ku ta skibi di deporte pa mas ku 45 aña, e resultado di nos baseball ta grandi, pa nos e resultado di aña den deporte, sigur paso ta trata aki di deporte di adulto. (Hende Grandi) Pabien na tur integrante di selekshon i naturalmente na e dirigente máksimo di nos baseball ku ta Jedrek Magdalena.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
