Deporte
Ounke kontra konseho di su famia: Oscar Bolivar:”Ku un spònser lo por tene e tim na bida”… ….Firebirds…
Sr. Oscar Bolivar un gran amante di baseball i fundadó dje organisashon di Firebirds ta lamentá e situashon dje organisashon.
Manera a Sali den prensa Firebirds lo pasa pa historia.
E tim di hòmber prinsipal ta bayendo Ulanda, i otronan no por sigui ku e organisashon.
Oscar Bolivar kontra konseho di famia ke mira si por hasi algu.
E yu di Amabel a rekonosé ku su situashon aworakí no ta permití, pero e ta konvensí ku si haña un spònser lo por yuda mantené e organisashon na bida.
Oscar Bolivar ta splika ku fuera di e tim di doble A, Firebirds tin su Hubenil i Klase A.
Esei ta nifiká ku tin mas ku 50 Mucha riba Kaya.
Bolívar a rekonosé ku e situashon dje organisashon ta hasiele doló, pero ku si por sali un spònser, tin posibilidat ku ta tene e tim na bida. Ban mira, den nòmber di Kristu Hesus !!
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
