Deporte
“Orguyo di kolebra bèrdè” ta sigui honra Baluartenan…
Nos amigunan ku ta “Orguyo Di Kolebra Bèrdè” djadumingu último a sigui ku nan tradishon di honra dirigentenan i deportistanan hopi serka di e bario i ku pa años a hasi un trabou meritorio pa deporte i pa nos komunidat.
Vários ta e baluartenan ku “Orguyo Di Kolebra Bèrdè” a tira un lus riba dje djadumingu último.
Entre nan tabatin: Sr. Stanley Coffie pa masha hopi aña dirigente atministrativo di spesialmente e deporte di futbòl; tambe Sr. Rignaal “Jean” Francisca pa masha hopi aña na kabes di nos futbòl i dirigente ku mérito Internashonal a wòrdu honra; Maurits, “Mau” Maria, gran eks futbolista, entrenadó, narado i animadó di futbòl tambe a risibí un bunita plaka di mérito serka “Orguyonan di Kolebra Bèrdè”; E gran eks futbolista i mucha dje bario ku ta Sr. Evaristo, “Lito” Rozal tambe a wòrdu pone den “spotlight”; eks futbolista goliadó “Juanchè” Obispo, Saminero tambe a risibí un plaka di mérito; Ivan Schoop, ku a lanta den e bario i destaká den baseball tambe a haña rekonosementu; e konosido “Win di Mami”, Sr. Charlie Rombley i señora, tur a sinti nan bon serka “Orguyo Di Kolebra Bèrdè” djadumingu último na Sentro di Bario Wishi/Marchena.
Un danki masha spesial na “Orguyonan di Kolebra Bèrdè” ku un biaha mas ta kòrda riba eks deportista i dirigente ku a nifiká hopi pa nan bario i pa nos Pais. Hopi danki !!
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
