5 Star ku ta e deporte pretu riba blanku kaminda realmente e kurason di deporte ta bati den e dianan tras di lomba a kombersá ku vários amigu di nos “coach” ku ta dediká nan mes spesialmente ku training di mucha.
Nan tin nan organisashon i ta kuminsá ku mucha ku hopi amor i pasenshi for di edat di 4-5 aña tin biaha.
E dolor dje “coachnan” aki ta, ku nan ta mira kon último añanan masha hopi “Akademia” o “Skol Di Baseball” a lanta i ta kosechando di nan trabou hopi duru, i grátis.
E reklamo ta: Inhustisia i Interes pa Plaka.
E “coachnan” ta mustra kon duru nan ta traha pa despues algun hende ku nan interes ta di yega na sèn ta apartá hopi dje muchanan, kobra nan, i tin biaha pone nan firma ku si nan yega na firma un kontrakt profeshonal ku nan tin di haña un sierto porsentahe konsiderabel.
E “coachnan” ta haña loke ta pasando hopi “Kruel” paso nan ta hinka masha tempu i energia pa despues bin hende ta probechá i gana SEN…
hasta un “Coach” a sigurá 5 Star ku tin mucha ta djòin “Akademia” i no ta dal niun stap padilanti, sino ta keda riba e mes nivel.
Pa kolmo hopi dje muchanan ku firma ta lubidá ken ta esnan ku a start ku nan.
Tin di nan apénas ta “kuminda”…
Un “coach” ku Five Star a kombersá kuné no tabatin bon palabra pa mayor tampoko.
“Nos ta train e mucha for di dia e tin 4 aña, sin nunka sa ni ken ta Tata, o Mama, ora e mucha bira prospekto e ta bai “Akademia” i Tata i Mama ta sali manera “Padestul”, un “coach” rabia a deklará.
Tin “Coach” ku ta konvensí ku mester bin un paro, o un otro areglo, paso no por ta asina ku nan ta traha 8 pa 10 aña pòrnada i otro ta bin disfrutá.
“Ta un Inhustisia, i Interes pa Plaka”, un “coach” veterano a bisa 5 Star Sin Tembla !! Fundeshi Di Baseball Di Mucha Ta Sakudí !!