Connect with us

Lokal

Obra teatral spektakular riba origen di Madurodam!

Published

on

WILLEMSTAD. Un obra kultural épiko pa honra e i Yu di Kòrsou i héroe di segunda gera mundial ‘Maduro’ ku lo estrená dia promé di september pa relatá den forma di musika i aktuashon teatral e tema di amor prohibi den tempu di gera i kual ta e origen di Madurodam na Ulanda.
For di 1 te ku 7 di september e produkshon musikal lo ta den full swing riba tarima di teatro Amare na den Haag pa presenta e produkshon teatral Maduro.
E obra ta bai riba e bida heroiko di e héroe di resistensia kontra alemannan Nazi. su historia di amor tragiko i kon Madurodam a origina.
Mas ku 150 kantante i musiko di Orkesta di Residensia lo kompaña Alexander de Jong, Doris Baaten i Marlies Ruijgrok den e papelnan prinsipal dje produkshon gigantesko aki.

HISTORIA DI
UN HÉOE
Produkshon musikal teatral ta relata historia di bida dje hoben héroe di gera na Ulanda George Maduro, su amor infelis i imposibel, su heroismo i su morto tragiko.
Tur esaki pa kulmina den kreashon di Madurodam, e monumento via kual nos tur ta rekordé.
Maduro ta un onra di Amare i Orkesta Residensial den koperashon ku e promotornan di arte “De Dutch Don’t Dance Division” i Rabarber.

GEORGE MADURO
George Maduro a nase na 1916 na Kòrsou yu di un famia Sefardista hudiw i durante su estudio di Derecho na Leiden ela ta enamorá di su amiga di hubentut Hedda pero komo ku Hedda tabata protestant, e famianan mutuamente no a aprobá e relashon pero George i Hedda a insisti apesar di tur kontrariedat.
Na Europa segunda gera mundial a kuminsa i na mei di 1940 i ku George Maduro komo kapitan na mando ku un man yen di sup-ofisial nan a okupá ku villa strategiko for di e alemannan, hazaña pa kual despues di su morto ela haña Willemsorde militar.
Despues ku gobiernu ulandes a kapitulá ne alemannan, ela drenta resistensia estudiantil i ela keda arestá i a bai será den Oranjehotel.
Ela logra hui for di su detenshon pero nan a bolbe garé i a hibé presu na Saarbrücken kaminda ela bin muri di enfermedat di malu di pechu na Dachau, Alemania.

E MUHE TRAS
DI MADURODAM
Despues di gera, Bep Boon van der Starp a lansa e inisiativa pa konstrui e siudat miniatura Madurodam na memoria di George Maduro ku edifisionan i proyektonan ulandes famoso.
Ku e plaka ku ta kobra pa entrada nan ta yuda studiantenan ku ta sufri di mali’pechu i na su manera e muhé dinamiko a vense kantidat di problema pasobra tabatin hopi hende homber ku no tabata kere den su inisiativa.
Ora e plan tabata a punto di frakasa pa falta di plaka, mayornan di George Maduro ta hasi akto di presensia i a kuminsa buska moda pa traha un monumento pa nan yu.
I asina pasado i presente dje tempu e a konopá na otro. Por realisá e logra e teatral danki na donashon di Madurodam i originalmente e mester a materialisá na 2019 pa selebrá 75 aña di liberashon di Ulanda for di e yugo di Nazinan.

Continue Reading

Lokal

Sentensia den kaso inex….. Robo di 600 kilo di kokaina for di warda di polis un frakaso total

Published

on

By

WILLEMSTAD. Ayera korte di promé instansia a dikta sentensia den e kaso di ladronisia di 600 kilo di kokaina for di warda di polis na Rio Canario, loke a sosodé na òktober 2018.

Ta un kaso ku a sakudí e komunidat di Kòrsou kompletu, a haña atenshon den eksterior i a pone kuerpo polisial internamente ariba abou pasobra no ta nada normal ku ta logra hòrta for di prizon.

Polisnan mes na sierto momento tabatin miedu, tabata deskonfiá otro, no kier a papia i no tabata sa kon anda, mirando e suseso teribel ku a surgi di e ladronisia di droga for di warda di polis. Pa kolmo a resultá ku a uza ekiponan sumamente pisá i sofistiká ku tabata hòrtá for di Brantwer, anto e idea ku aki ta trata di trabounan hasí pa e gèng ARMY a trese ainda mas sustu den tur hende su kurpa, pasobra ta keda demostrá ku e grupo aki klaramente no ta baha kabes pa apsolutamente nada, ningun hende ni instansia.

Awor pa kolmo tur 3 e sospechosonan den e kaso aki, inkluso e agente polisial Mariens Mariano di 33 aña di edat, a sali liber di e akusashon ku nan tabata metí den e kiebro aki den warda di polis na Rio Canario. Korte únikamente por a sentensiá Mariens Mariano na 6 aña kastigu di prizon pa su envolvimentu den importashon di 340 kilo di kokaina, trafikashon i malversashon kometé ku su arma di kandela reglamentario.

Na opinion di korte deklarashonnan di testigunan anónimo no ta pruebanan sufisiente.

Kantidat di testigunan anónimo tabatin, anto pa kolmo ku deklarashonnan ku ta kontradesí otro.

Por ehèmpel tabata papia di testigunan ku a keda identifiká komo A17, A18, A19, A20, A21, A22, pero al final nada kontundente no a bini afó. 5 otro siudadano a keda kondená, pasobra nan tabata metí den e otro trafikashon di droga ariba menshoná.

Un sospechoso a risibí kastigu di trabou di 100 ora i 4 otro sospechoso a haña kastigunan di prizon ku ta varia di 6 pa 24 luna.

Mas aleu den e komunikado ku Ministerio Públiko mes a emití ta bisa ku 2 ruman di 27 i 21 aña a keda kondená na kastigunan di prizon di 3 i 7 aña pa e rason ku nan tabata envolví den menasanan serio ku arma di kandela i poseshon di arma di kandela. E ruman mas hóben (esun di 21 aña di edat) a keda kondená pa preparashonnan hasí pa kometé asesinato, trafikashon di droga i estafa di un empresa di seguro. E siguiente kastigunan a keda diktá pa e personanan menshoná:
– Julio Cesar Sanchez Pretel, kolombiano di 62 aña di edat, 2 siman di prizon, mas un kastigu di trabou di 100 ora i un periodo di prueba di 2 aña.

– Niolan Anthony Lopez Penha di 38 aña di edat, kastigu di prizon di 24 luna.

– Judrick Gregoria Urbano di 27 aña di edat, kastigu di prizon di 36 luna.

– Curtis Ginneton Jones di 38 aña di edat, kastigu di 6 luna.

– Rachid Urbano di 22 aña di edat, kondená na e suma di daño i perwisio di Nafl. 6.243.90

– Alberto Paula Toribio nasé na Repúblika Dominikana di 32 ana di edat, 6 luna di prizon.

– Mariens Migelangelo Mariano (eks agente polisial) di 33 aña di edat, 6 aña kastigu di prizon.

– Ingemar Timothy Tromp di 28 aña di edat 12 luna kastigu di prizon.

Continue Reading

Lokal

Kuminsa ku kouseband…… “Nos tur ban kunuku, planta i krese nos pais”

Published

on

By

Willemstad — Siman di kultura dje aña aki tin komo tema: ‘Ban Kunuku, Ban Planta’. Bida ta kuminsá ku plantamentu di mata. Plantamentu ta krusial den desaroyo di kultura di hende rònt mundu.
E mata ta kuminda — fruta, bèrdura — nesesario pa sobrebibensia i salú di hende i bestia, i ta forma parti di kultura di un país.
Tantu den su forma krioyoyo di prepará kuminda i komo parti di selebrashonnan spesifiko manera Pasku, risibimentu i selebrashon di aniversario. Laga nos tur ban planta. Djis kòrda riba e fiesta di Sehú, kaminda kosecha, baile, músika i presentashon di fruta i bèrdura kosechá na kunuku ta bin huntu den un selebrashon kultural ku musika i kanto tipiko di nos país. Tur aña nos ta marcha i selebrá den kayanan di Otrobanda lokual nos a kosecha den kunukunan di Bandabou i Bandariba. Den e kuadro di e selebrashon kultural ‘Ban Kunuku, Ban Planta’, e skol básiko ‘Fatima College’ a pidi Partido Inovashon Nashonal (PIN) pa duna un workshop di plantamentu pa hinter e skol.
Ayera 28 di september 2022 PIN a siña e muchanan di e diferente añanan eskolar for di nos chikititunan (“kleuter”) te ku grupo 8, un total di mas o menos 350 mucha, kon ta poné tera i planta ku simia den un kùp. PIN a spliká e muchanan kon ta kuida pa e simia lanta kabes i bira un mata ku después por planta den un baki mas grandi of den tera, hasta den un krans di otro mata pa spar awa. Nos a skohé bonchi largu, “kouseband”, pasobra e ta nasé den menos k’un siman i ya den mas o menos 3 luna di tempu por kosechá. Kouseband ta un bonchi fasil pa prepará na diferente manera, hopi dushi i salú! Un danki di kurashon na direktor, staf i maestronan di Fatima College ku a mira e importansia di laga mucha siña planta for di chikí. Laga nos tur ban planta!

Continue Reading

Lokal

Colon ta e promé barku ku ta trese karga pa almasená na Bullenbaai

Published

on

By

Willemstad- Djarason 28 di sèptèmber, pa 4’or di atardi, a marka un momentu históriko ora ku e botonan di tou Manta i Ola i e boto NC 6-L di Kompania di Tou Kòrsou (KTK) a guia e barku Colon pa mara na Bullenbaai Jetty-1. E barku Colon a bini ku un karga di 600.000 barí di ‘fuel oil’ pa almasená na nos terminal. E terminal di Bullenbaai ta un terminal kaminda normalmente ta almasená krudo na gran eskala. Durante di e último 4 simannan, Curaçao Refinery Utilities (CRU) a realisá hopi trabou pa perkurá ku e terminal ta kumpli ku e normanan di seguridat haltu rekerí, i alabes a kombertí parti di e terminal den un terminal dediká speshalmente na almasenahe di ‘fuel’. Entretantu CRU a bolbe duna oportunidat di empleo na 20 èks-trahadó. Oumento di aktividatnan na e terminal na Bullenbaai sigur ta nifiká mas aktividat pa KTK tambe.

E barku Colon a trese e promé karga di produktonan petrolero pa almasená na Bullenbaai komo parti di e akuerdo entre CRU, e kompania supsidiario di Refineria di Kòrsou (RdK), kual ta permití Caribbean Petroleum Refinery (CPR) almasená produkto na e terminal di Bullenbaai. E akuerdo di almasenahe ta pará lòs for di e akuerdo di mas aña pa operashon di refineria i e terminal na Bullenbaai ku Refineria di Kòrsou i CPR ta negoshando aktualmente. E akuerdo ta enserá ku lo por almasená te ku 7 mion barí di produkto na e terminal.
CRU i RdK tabatin basta trabou di preparashon promé ku por a kuminsá risibí produkto pa almasenahe na Bullenbaai atrobe. E trabounan a keda konkluí nèt na tempu pa por a risibí Colon komo promé barku. E terminal awor por almasená 2.4 mion barí di fuel oil, 4.1 mion barí di krudo i 350 mil barí di ‘diesel’. CPR lo hasi uso di henter e kapasidat di almasenahe, pues por spera mas barku ku produkto pa almansená próksimamente na Bullenbaai. Oumento di aktividatnan na Bullenbaai ta kontribuí na sosten di KTK komo un di e servisionan ku ta vital pa realisá aperturá di nos refineria.
Mientrastantu, e negosashonnan entre RdK, Gobièrnu di Kòrsou i CPR ta kanando ku e meta firme pa yega na un ‘Heads of Agreement’ mas pronto ku ta posibel.

Continue Reading

Trending

This shows content of element who has id="data"

Subscribe to Nobo Online

Unique insights and analysis on the stories that matter to the world

Subscribe

I'm already a member, take me to login