Deporte
Novak Djokovic a sa di gana di Rafael Nadal
PARIS (C) – E dos tenistanan di tur tempu a topa otro den e weganan olímpiko pa loke ta trata tènis.
Ta trata aki di Novak Djokovic I e otro gran tenista Rafael Nadal.
T’asina ku por a tuma nota ku Rafael Nadal a kometé hopi fout kual e ta keda kastigá mesora pa Novak Djokovic.
Un ratu ela manera rekuperá pero despues e ta manera bolbe kai den otro
Esaki mes a pone ku Novak a sa di gana fasil ku s sètnan 6-1 i 6-4.
Novak Djokovic ta un tenista kende tin 24 grandslam riba su nòmber
Miéntras ku Rafael Nadal tin 22 grandslam riba su nòmber.
Ya kaba esaki ta di 60 bia ku nan dos ta topa ku otro den e ramo di tènis aki.
Miéntras ku Novak Djokovic a sa di gana 31 partido.
Esaki kisas lo bira e último partido entre nan dos. Esaki debí ku Nadal kende tin 38 aña a duna di konosé ku elo bai tuma un desishon.
Aunke hopi hende lo ta deseá pa e sigi.
Pero lo mi mester saka un konklushon pa disidí kiko mi ta deseá bèrdat.
Nadal ainda ta den kontienda pa loke ta trata dobel.
E ta forma un duo ku Carlos Alcaraz.
Nan lo tin den e di dos buèlta e duo di Tallon GRiekspoor I Westley Koolhos kual ta un duo hulandes.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
