Deporte
Nota di Deporte: Pabien na Liga Soraida Juliana… Pero tin hopi trabou…
Sin duda e posishon di number-3 di mundu den e kampeonato mundial di Little League Softball kategoria Senior ta tremendo.
Ta un éksito grandi, i e mihó posishon hamas pa nos den sòftbòl Little League.
Sinembargo e éksito aki no mester laga nos kita for di bista e realidat di Sòftbòl Little League, Liga Soraida Juliana.
Nos éksito ta danki na e trabou ekstraordinario di nos pitcher J’Dah Girigorie.
Sòftbòl ta asina.
Mara e éksito aki por sirbi pa nos haña mas “coach” interesá pa forma sòftbolista, kuminsando den “T-Ball” Liga “Casca” Leonora, paso nos mucha muhénan ku ta hungando sòftbòl a baha konsiderablemente.
Pabien na Liga Soraida Juliana, pero tin “Hooopi Trabou !”, i mester di boluntario i hopi mucha ku animo pa sigui traha.
Pabien grandi na Sra. Nitika Manuela e “ motor nobo” tras di Liga Soraida Juliana.
Pabien tambe na e staf tékniko di nos selekshon enkabesá pa Sra. Yuretti Poulo i tur ku a kontribuí !!….
“Nitika” Manuela.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
