Uncategorized
Nota di Deporte: Maneho ta leu for di fásil !!!
• Maneho ta leu for di fásil. Five Star a tuma nota dje komentario di amigu ingeniero DT Henry Caldera, i hòmber ku nos ta respetá ku nos selekshon lo mester a habri ku Juninho i Leandro Bacuna den e wega vs Honduras.
E komentario ei ta hopi, pero mester rekonosé ku maneho di deporte i maneho di nada no ta fásil. Leu for di fásil.
Si Art Langerer lo a habri ku Leandro Bacuna i e lo a tira algun tiru ku no a resultá bon, lo bo a tende ku Langerer a kuminsá ku un hungadó ku a kasa un dia promé i ku e no tin “pia”.
E kos ei ta asina, anto despues ku algu no bai bon, ya espasio ta habri pa tur tipo di opinion i komentario. Ya, ta esei ta deporte !! Tuma esaki di boso amigu: Leandro i Juninho lo no a start si Wilhem Canword (dfm) o “Nooi” Girigorie tabata DT.
(Garantisá)
SKOPJE – Stefan Andonovski minister enkargá ku e kartera di Transformashon digital na Macedonia a desmentí delaster un akusashon presentá pa Tarek William Saab.
E akusashon ta relashoná ku for di Macedonia a hack sistema di CNE (Consejo Nacional Electoral) pa oposishon gana elekshon presidensial na Venezuela.
Tarek Willliam Saab ku ta un mentiroso no bon na kabes segun Stefan Andonovski ta mal informá komunidat na Venezuela i komunidat Internashonal.
Ta trata aki di akusashonnan hopi serio di parti Tarek William Saab ku a manifestá ku nan pais a partisipá den un froude elektoral na Venezuela.
Stefan Andonovski a eksigí di Tarek Saab presentá ku prueba ku piratanan sibernetikonan na Macedonia a hack e sistema di servernan di CNE (Consejo Nacional Electoral) na Venezuela.
Tarek William Saab mester splika dikon CNE a gaña ku Nicolas Maduro a logra haña 52.21 % respaldo di voto kontra Edmundo González Urrutia su 44.2%.
Kaminda e resultado real tabata kompletamente otro.
Esaki ta nifiká ku ningun di e kriminalnan ku ta forma parti di e régimen di Nicolas Maduro no ta kordiná ku otro i awor nan ta bin gaña e pueblo.
E kampeon mundial indiskutí kategoria pisá Oleksandr Usyk ta pensa di regresá e kategoria krusero despues di su kombate di dia 21 di desèmber vs Tyson Fury. Usyk i Fury lo bringa revancha dia 21 di desèmber despues ku Usyk a gana pa desishon mayoritario. Fury a hasi uso dje oportunidat den su kontrakt pa pidi revancha. Usyk ku tabata kampeon mundial indikutí krusero kaba lo ke regresá e kategoria. E tin rekòrt di 22-0, ku 14 triunfo pa via rápido. Echo ta si, ku den e kategoria krusero no tin muchu bòksdó di kalidat. Ekspertonan ta bisa ku e kategoria krusero ta laf.
Sigur ta un bon notisia pa nos selekshon di futbòl di Kòrsou bou di direkshon di Remco Bicentini ya ku “Cuco” Martina ku tabata inaktivo a haña trabou.
Manera nos amigu i kolega Calili Ruiter a komentá awe mainta “Cuco” Martina a firma ku e tim Ulandes ku ta NAC di Breda.
Ku e firma aki Kòrsou tin sigur ku “Cuco” tin aktividat i lo por kontribuí mihó ku nos onsena.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
