Deporte
Norman, “Nooi” Girigorie: “Dia M’a tuma Barber 12 hende tabata bai mira wega”.. …Dia M’a Stòp tabatin 12.000 Hende den Stadion…
Norman, “Nooi” Girigorie tabata skerpi manera tur dia den e seshon “Cuando Yo, Era Yo” djarason último den Deporte Hoyer.
E reakshonnan riba e loke nan ku “Nooi” a trese padilanti a hala hopi atenshon.
Girgorie ku a kampeonisa ku 3 diferente ekipo, e úniko DT pa hasi esei den historia di nos futbòl a splika ku e tabata kla ku futbòl despues di a dirigí UNDEBA, pero Centro Barber a aserk’é, i nan a bisa ku ta nan deseo di klasifiká ounke ta entre e promé seisnan.
Girigorie a kampeonisa 6 temporada ku e tim di Centro Barber.
E eksitoso DT a bisa:”Dia m’a tuma Centro Barber 12 fanátiko tabata bai mira nan.
Dia m’a stòp, 12.000 fanátiko tabata bai mira wega”.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
